|
A Casa da Cultura de Verín acollerá mañá, a partir das 20 horas, o Concerto Navideño de pandereteiras da Federación de Mulleres Rurais de Ourense (Femuro).
No mesmo participarán un total de cincuenta mulleres pertencentes as asociacións Patio do Melo de Ábedes, O Toural de Mandín, Axóuxere de Laza e A Lama de Queirugás, que interpretarán panxoliñas galegas. Trátase do primeiro concerto organizado por Femuro no Nadal, destinado a recuperar a música tradicional galega, e que supón unha pequena mostra das asociacións que reciben ensinanzas de pandeireta a cargo do profesor Gumersindo Toimil Mascareñas.
Tamén mañá, e ata o 5 de xaneiro, o Concello de Verín e a Asociación de Empresarios de Verín (Aever) promoven a cuarta edición de 'Ludonadal', unha ludoteca destinada a estas datas e dirixida a nenos/as con idades comprendidas entre os 3 e 8 anos, co obxecto de promocionar económicamente o comercio tradicional na localidade, facilitar a conciliación dos pais e nais e proporcionar aos/ás nenos/as un espazo de lecer durante as vacacións de Nadal. Para poder acceder a esta actividade, que terá lugar de luns a venres (de 10 a 14 e de 16 a 20 horas), será necesario entregar un vale, selado pola empresa correspondente, xunto co ticket da compra, á hora de recoller ao menor, e que xustifique a realización de compras nalgún dos establecementos integrados en AEVER -existindo un límite mínimo de 20 euros (nun só ticket o en varios que sumen este total) e unha penalización de 10 euros no caso de non portar o ticket e vale-.
Ademais, ata o 7 de xaneiro a Casa do Escudo de Verín acolle a exposición 'Beléns do Mundo e Filatelia Natalicia', que amosa misterios e representacións do Nadal de diversas culturas do mundo, así como coleccións de selos con temática natalicia na Casa do Escudo. Está organizado pola Comunidade Mercedaria de Verín e Concello de Verín coa colaboración da Delegación de Misións de Ourense e Sociedad Filatélica, Numismática e Vitolfílica Miño de Ourense. A mostra pódese visitar de luns a sábado, de 10 a 14 e de 16.30 a 20.30 horas.
|
