Xoves, 22 Decembro 2011 13:10 |
Mañá, desde as 20 horas, na Casa da Cultura de Verín terá lugar a tradicional actuación do alumnado da Escola de Música e Danza Tradicional do Concello de Verín.
Nesta actividade, organizada pola Escola de Música e Danza Tradicional do Concello de Verín, interpretaranse cantigas populares, danzas tradicionais, música para dúos, tríos e cuartetos de gaita e percusión tradicional. Conforma a sexta das actuacións programadas con motivo da celebración do Nadal 2011 e os Reis 2012, e que permitiron a realización de actividades como concertos do Conservatorio Elemental de Música, festivais de teatro a cargo da Asociación de Amigos de la Cultura y el Ocio ‘La Caja de Pandora’ ou actuacións do Coral de Verín ou das pandereteiras de Femuro (Federación de Mulleres Rurais de Ourense).
Por outra banda, a Casa do Escudo de Verín acolle a mostra 'Beléns do Mundo e Filatelia Natalicia', con misterios e representacións do Nadal de diversas culturas do mundo, así como coleccións de selos con temática natalicia na Casa do Escudo. Está organizado pola Comunidade Mercedaria de Verín e Concello de Verín coa colaboración da Delegación de Misións de Ourense e Sociedad Filatélica, Numismática e Vitolfílica Miño de Ourense. A mostra pódese visitar ata o 7 de xaneiro de luns a sábado, de 10 a 14 e de 16.30 a 20.30 horas.
|