Concello de Verín

Durante toda esta semana, un total de 137 alumnos das Escolas Deportivas de Fútbol do Concello de Verín asistiron ao obradoiro de primeiros auxilios organizado por Cruz Vermella Monterrei, en colaboración co ente municipal.

O mesmo, enmarcado dentro dos proxectos de Educación para a Saúde de Cruz Vermella, tivo lugar os días 19, 20, 21 e 22 de decembro en horario vespertino. A realización de reanimación cardiopulmonar foi a principal cuestión que coñeceron os mozos, tanto no ámbito teórico como tamén no práctico axudados por un manequín. Con todo este obradoiro, realizado no complexo deportivo A Granxa, terá a súa continuidade no próximo ano coa realización doutro relacionado coa prevención de accidentes.