Concello de Verín

Na xornada de mañá, 5 de xaneiro, as rúas de Verín acollerán a tradicional Cabalgata dos Magos de Oriente, a partir das 17.30 horas.

Os reis Melchor, Gaspar e Baltasar saíran desde a Casa do Escudo e tras percorrer a avenida Luis Espada, rúas Deputación e Irmáns Moreno, concluirán a súa viaxe no Pavillón Municipal de Deportes onde terá lugar unha gala, na que se repartirán xoguetes entre os/as nenos/as do municipio.

Durante a cabalgata os Reis Magos irán acompañados non só dos paxes senón tamén dun centenar de menores disfrazados de anxos e pastores/as. Con anterioridade, ás 16 horas, acudirán a Residencia de Anciáns Santa María para entregarlle presentes ás persoas maiores residentes.

Tamén mañá conclúe a cuarta edición de 'Ludonadal', unha ludoteca destinada a estas datas e dirixida a nenos/as con idades comprendidas entre os 3 e 8 anos, co obxecto de promocionar económicamente o comercio tradicional na localidade, facilitar a conciliación dos pais e nais e proporcionar aos/ás nenos/as un espazo de lecer durante as vacacións de Nadal. E o sábado día 7 de xaneiro remata a exposición 'Beléns do Mundo e Filatelia Natalicia', na Casa do Escudo de Verín, que amosa misterios e representacións do Nadal de diversas culturas do mundo, así como coleccións de selos con temática natalicia. Está organizada pola Comunidade Mercedaria de Verín e Concello de Verín coa colaboración da Delegación de Misións de Ourense e Sociedad Filatélica, Numismática e Vitolfílica Miño de Ourense.