Concello de Verín

Na xornada de mañá, ás 20 horas, a igrexa da Mercé de Verín acollerá o XVIII Concerto de Reis, organizado pola Asociación Verinense de Amigos da Música.

Durante o mesmo, no que colaboran a Comunidade Mercedaria e Concello de Verín, o Coral de Verín interpretará panxoliñas como Naceu un meniño (A. Carvajal), Gracias (Antonio Alcalde), Naceu (Edelmiro Mateo), Luna y Niño (Antonio Olivar), Era una flor (Romo y Duyos), La Perla (Ángel Viro), Con un sombreiro (A. Oliveira), Los Reyes Magos (Takirary) o Achícame por piedad (Jauregui), entre outras. Todas as panxoliñas foron adaptadas e arranxadas para o Coral de Verín por Edelmiro Mateo.

Por outra banda, o sábado día 7 de xaneiro remata a exposición 'Beléns do Mundo e Filatelia Natalicia', na Casa do Escudo de Verín, que amosa misterios e representacións do Nadal de diversas culturas do mundo, así como coleccións de selos con temática natalicia. Está organizada pola Comunidade Mercedaria de Verín e Concello de Verín coa colaboración da Delegación de Misións de Ourense e Sociedad Filatélica, Numismática e Vitolfílica Miño de Ourense.