Novos cursos de informática na Aula CeMIT de Verín |
|
|
|
Venres, 11 Xaneiro 2013 14:54 |
A aula Multimedia do Concello de Verín, coa chegada do ano 2013, retoma a formación de usuarios/as coa promoción dunha ampla oferta de cursos de informática, que se impartirán na Aula CeMIT da Casa da Xuventude de Verín.
A oferta dos mesmos vai desde os básicos de iniciación a Windows e Internet, pasando por outros máis específicos en Ofimática, Linux ou nocións en deseño gráfico. Estes cursos teñen duración de aproximadamente tres semanas cada un deles, en horario de mañá, tarde e un especial para traballadores/as de 20 a 22 horas, axustándose as necesidades dos/as distintos/as usuarios/as.
Todas as persoas interesadas en participar nestes cursos deben realizar a súa inscrición na Biblioteca Pública Municipal de Verín, co obxecto de xuntar un cupo necesario para iniciar os mesmos e escoller o horario ao que se quere asistir.
No pasado ano 2012, a Aula CeMIT impartiu un total de 58 cursos, tanto de alfabetización dixital (alfabetización dixital básica, ocio e internet, operacións a través de internet ou ofimática, entre outros) como de mellora continua dos usuarios (capacitación especializada), sumando un total dun millar de participantes.
Para máis información dirixirse a Biblioteca Pública Municipal do Concello de Verín, situada na Avenida de Portugal, nº 11, no teléfono 988-414776 ou no mail :
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
|