|
O Club de Lectura de Verín retoma a súa actividade de fomento da lectura |
 |
 |
 |
|
Mércores, 23 Xaneiro 2013 13:45 |
|
 Un ano máis, e xa van catro, o Club de Lectura da Biblioteca Pública Municipal do Concello de Verín retomou a súa actividade anual de fomento da lectura, co obxecto de converterse nun estímulo para a interacción entre os/as asistentes que acoden a instalación municipal.
A decena de participantes actuais seguirá a compartir xuntanzas, varias veces ao mes, e as vivencias obtidas tras a lectura do mesmo libro, tamén analizarán temas de actualidade e experiencias do día a día. Neste ano esta iniciativa cultural fomentará a lectura de obras clásicas como Madame Bovary de Gustave Flaubert ou La importancia de llamarse Ernesto de Óscar Wilde e o impulso utilización do libro electrónico.
Todas as persoas interesadas en participar nesta iniciativa cultural -deben ser socios/as da instalación e maiores de idade- poden inscribirse na Biblioteca Pública Municipal do Concello de Verín, situada na Avenida de Portugal número 11, ou no teléfono 988-414776.
|
