|
O vindeiro 14 de febreiro, a Aula CeMIT de Verín acollerá, de 16 a 20 horas, a realización da iniciativa 'Miradas de Muller', destinada a ofertar formación e solucións de autoemprego a mulleres desempregadas co obxectivo de axudalas na súa incorporación ao mundo laboral.
Devandita iniciativa, asentada na utilización de servizos dixitais no campo da fotografía, está destinada a mulleres desempregadas do ámbito rural ou de zonas periféricas das cidades con dificultades para o desenvolvemento profesional ou incorporación no mundo empresarial. A iniciativa constará de catro fases:
- Unha xornada de presentación (ese mesmo día e hora) impartida mediante os sistemas de videoconferencia e videocolaboración a través das Aulas CeMIT participantes. Na mesma terá lugar as seguintes actividades: presentación do proxecto e da plataforma "Miradas de Muller" -que se porá á disposición das usuarias-, sensibilización das usuarias a través dunha charla sobre motivación ao emprendemento no campo da fotografía dixital, e presentación dun referente en fotografía dixital para que expoña de primeira man as súas experiencias - así como as vantaxes e retos que implica profesionalizarse no mundo da fotografía.
- Impartición nas aulas CeMIT de cursos do catálogo de formación CeMIT relacionados co mundo da fotografía dixital:
* Iniciación á fotografía dixital. Cámara de fotos dixital (18 e 19 de febreiro de 2013). Curso básico de catro horas, no que se impartirán contidos como: Que é unha cámara fotográfica dixital?, imaxe dixital: píxeles, tamaños e formatos; cámara dixital versus cámara tradicional, compoñentes técnicos e principais accesorios, funcións e selección dos axustes, fotografar, algo máis que premer o disparador ou E agora que fago coas miñas fotos?.
* Retoque fotográfico: GIMP (20 ao 25 de febreiro de 2013). Curso básico de 10 horas, asentado na seguinte materia: Que é o retoque fotográfico?, túa mellor imaxe -tamén en papel-, o segredo está no retoque, acción!: retoca con GIMP ou é hora de amosar o resultado. Vaia álbum xeitoso!
- Inscrición das usuarias na plataforma web “Miradas de Muller” a través do cal poderán: acceder a pílulas informativas, dispoñer dun titor e difundir os seus servizos nunha bolsa de traballo. - Participación nun concurso fotográfico a nivel nacional a través da plataforma.
As mulleres interesadas no programa, terán que rexistrarse previamente como usuarias da Rede CeMIT e solicitar a matriculación na iniciativa a través da web, antes do 28 de xaneiro. Para máis información dirixirse a Biblioteca Pública Municipal do Concello de Verín, situada na Avenida de Portugal, nº 11, no teléfono 988-414776 ou no mail :
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
|
