Venres de Compadreo en Verín |
|
|
|
Xoves, 07 Febreiro 2013 10:27 |
Como nos últimos anos, o Capuchón e a Mascarita serán os uniformes oficiais que portarán mañá, 08 de febreiro, os/as asistentes á festa do Venres de Compadreo.
Ás 18:30 horas terá lugar a saída dos Escuadróns de Capuchóns e Mascaritas para percorrer diversas rúas e prazas da vila (desde o barrio de San Lázaro ata a praza Edesio Fuentes, polas rúas Luis Espada, Montemaior, avenida de Portugal, Colón, Irmáns Moreno, Deputación e praza da Merced), con paradas estratéxicas para mollar a gorxa e encher o bandullo. Sobre ás 21 horas, chegarase á praza Edesio Fuentes onde se realizará unha degustación dun Porco galego asado no braseiro de Don Orlando, seguida da tradicional queimada co seu conxuro, a cargo dunha Meiga e a súas Druidas das Sábanas Blancas.
Todo amenizado pola Disco-Móvil Jorge. A partir de media noite, verbena popular nas prazas García Barbón e Maior co grupo Aché e a Disco-Móvil Gramola.
|