Concello de Verín

  • Decrease font size
  • Default font size
  • Increase font size
Home Cidade Novas Concurso gastronómico ‘Cigarrón de Verín’
Concurso gastronómico ‘Cigarrón de Verín’ PDF Imprimir Correo-e
Xoves, 07 Marzo 2013 12:08

O sábado 16 de marzo, a partir das 10.30 horas, o Pavillón Municipal de Deportes de Verín acollerá a realización da sexta edición do concurso Cigarrón de Verín, destinada a ser un referente gastronómico, así como relanzar os produtos e viños da comarca de Monterrei.

Nesta edición os membros do xurado serán Pepe Solla -do restaurante “Casa Solla' de San Salvador de Poio que conta cunha estrela da Guía Michelín-, José Manuel Pérez -xefe de estudos do IES Vilamarín-, Jorge Hervella -enólogo da Denominación de Orixe Monterrei- e Asunción Rodríguez Zarraquiños -premio Cigarrón Doce 2012-.

No concurso, de carácter libre e destinado a alumnos/as de escolas de hostalería, profesionais da restauración ou afeccionados, o número de participantes será dun máximo de dous por receita, os pratos presentados deben ser de creación propia e englobarse nunha das tres categorías existentes -prato principal, maridaxe e sobremesa (no apartado de prato principal o ingrediente básico debe ser cabrito, mentres que na categoría de maridaxe ten que ser bacallau)-. Ademais, cada participante debe elixir o apartado no que compite, podendo presentar unha única candidatura, elaboralo en show cooking -cociña en vivo, diante do público, e con explicación ao xurado- e maridalo con viño da D.O. Monterrei.

Elaboración, degustación, presentación, maridaxe e utilización de ingredientes da zona -mínimo tres- serán son os criterios esixidos polo xurado para puntuar os pratos participantes, que optarán aos premios Gran Cigarrón -na categoría de prato principal e cun valor de 400 euros, patrocinado polo Concello de Verín-, Cigarrón Doce -na de sobremesas, e cuxo valor ascende aos 200 euros, por AEHCOM (Asociación Hostaleiros de Verín) e Denominación Orixe Monterrei -ao mellor maridaxe, dotado con 300 euros, apadriñado pola D.O. Monterrei-. Os/as interesados/as en participar no concurso 'Cigarrón de Verín' deben formalizar as súas inscricións antes do 12 de marzo, ata as 14 horas, no Concello de Verín ou no fax 988-411900.

Este evento está organizado polo Concello de Verín e patrocinado por: Eurocidade Chaves-Verín, Plan de Competitividade Puertas de Galicia, Inorde, Deputación Provincial, Xunta de Galicia, Gadis, Cabreiroá, Construcciones  Hnos. Carrajo, D.O. Monterrei, Saroni, Socitransa, Parador de Turismo de Verín, Pirotecnia Xaraiva, La Caixa, Caja Rural de Zamora, Estradas Galegas SL, Espina & Delfín, Aopil SL, Esinor, AEVER-CCU Verín (Asociación de Empresarios de Verín-Centro Comercial Urbano Verín) e AEHCOM.

 
EBC

Logo FEADER

Centro de Dia

Guía da Comarca de Verín


Solicitude de Participación









En que mesa voto?

Compostaxe

Buzón do Cidadán

IOP Definitivo

PMPCI

PEID PREGUIZA

PEID Caldeliñas

Plan Xeral de Ordenación Urbana

PXOM APROBACION INICIAL

Peprich a fecha 2023


Sede electrónica


A un click


Biblioteca Municipal








Visor Sixpac



?>