Concello de Verín

O día 18 comezará na Casa da Xuventude de Verín un curso de galego do nivel CELGA 2, promovido polo Concello de Verín e organizado en colaboración coa Secretaría Xeral de Política Lingüística.

A duración do curso é de 75 horas teórico-prácticas, e está previsto que remate a fins de maio. Aos/Ás que se presenten á proba de capacitación dese nivel, que se celebrará en xuño, e a superen, entregaráselle o Certificado de Lingua Galega do segundo nivel.

Ese diploma é oficial, está avalado pola Consellería de Cultura, Educación e Ordenación Universitaria é válido para oposicións ou concursos convocados por organismos públicos que esixan ese nivel formativo. Tamén serve para fundamentar un currículo.