Do 22 de marzo ao 15 de abril, a Casa do Escudo de Verín acollerá a exposición 'Dúas Olladas', conformada por unha selección de obras obras de pintura e escultura realizadas polos artistas Xosé Rivada (escultopintor) e Armando Martínez (escultor); así como do pintor Eduardo José Ortún.
Unha mostra que se aparta do mundo da arte elitista e mercantil, mediante a realización dunha obra transparente, sincera e individual, que busca a investigación persoal mantendo un estilo propio. Xosé Rivada tras vivir a época da posguerra en Verín, marcha no ano 1969 a Madrid onde desenvolve as habilidades artísticas aprendidas de pequeno, centrando a súa atención e interese nos corpos espidos -previamente en Verín fomentará a súa obra máis persoal, de momento figurativa, con acuarelas e óleos nos que demostraba o seu grande interese polo debuxo; así como o tratamento do metal e as súas aleacións-. Con posterioridade diríxese a Bilbao, previo paso por Verín, para ampliar a súa formación artística, seguido de Barcelona, Zaragoza Valencia e Madrid. Anos máis tarde diríxise a México, onde adica parte do seu tempo a aprender o oficio do esmalte e plantexa un proceso inverso ao realizado tradicionalmente con esa técnica. Continúa con viaxes a Verín e por América Latina, e entra nunha fase de creación simbólica e orixinal que supón a apertura dunha vía inexplorada no arte galego: escultopintura. A partir dese momento, o seu traballo comeza a ser recoñecido pola crítica e a exposicións se suceden por Francia, México, Canadá, Brasil, Portugal e España.
Amando Martínez naceu en 1955. Pese a ser un creativo galego está vinculado con Portugal, onde viaxou con 23 anos e acabou residindo en Coímbra durante ano e medio. Alí comezou tamén a traballar a madeira apoiado por uns amigos lusos. Viaxou a Barcelona, París e Reggio Emilia (Italia), onde comprobou como o seu traballo artístico era recoñecido. A última parte da súa traxectoria tamén estivo relacionada con Portugal, a través da realización do 'Monumento á cidade de Santarem' , Monumento a Inés de Castro' en Coímbra, 'Monumento á Agua' en Góix, 'Monumento á Cooperaçâo” en Trancoso; sen esquecer o traballo en países nórdicos como a escultura pública para Jhelman (Noruega). Amando Martínez é membro fundador da Galuart, socio do Círculo de Artes Plásticas de Quebec e socio de honra do Rotary Club International (Sâo Joâo de Madeira. Portugal), ademais de medalla de honra e diplomas, outorgadas polo Círculo de Artes Plásticas de Quebec, pola aportación á difusión das partes plásticas a nivel internacional no ano 2007. A súa obra percorreu exposicións de cidades lusas, italianas e españolas.
Eduardo José Ortún, de orixe rioxana e residente actualmente en Galicia, iníciase no mundo da pintura e na modalidade de acuarela, a finais dos anos 60; cando se encontraba estudando na Universidade de Washington, Seattle (USA). A esta época pertencen unhas 60 obras que se encontran repartidas, en coleccións particulares, por diversos países: España, América Latina e Estados Unidos. De regreso a España, na década dos 80, pinta paisaxes en óleo sobre tea e táboa e nos anos 90 o tema máis frecuente é o bodegón. O centenar de obras desta época encóntranse principalmente en España, Italia e Portugal. A partir do ano 2001 prodúcese un cambio total na súa pintura, cun estilo absolutamente persoal e colorista, como se pode observar na súa obra actual. Os motivos desta etapa son paisaxes froito da imaxinación e é este particular pintura a que define o seu estilo tan persoal e único. Realizou exposicións individuais e colectivas en Vigo, Pontevedra, Edimburgo (Escocia), Porto (Portugal), La Rioja, A Coruña ou Chantenay (Francia).
A mostra poderá visitar de luns a sábado, das 17 a 20.30 horas (horarios especiais para grupos, concertar no 988-411614).
|