Concello de Verín

A Biblioteca Pública Municipal do Concello de Verín acolle o vindeiro martes 26 de marzo, ás 19.30 horas, a presentación do libro Sentimentos Difusos, de Hilda Fernández Rodríguez, enmarcada dentro do programa de actividades de fomento da lectura.

A obra desta moza verinense de 18 anos está conformada por poesía e narrativa corta e é definida pola autora como “unha versión mellorada da obra Absurdos Sentimentos, ordenada por categorías e engadindo pequenos discursos filosóficos a modo de ponte a posteriores obras”.

Para participar na mesma é necesario inscribirse na propia biblioteca ou no teléfono 988-414776. Todos/as os/as usuarios/as poden informarse tanto na web da Biblioteca http://av.centromultimedia.net/microsite/verin/biblioteca/galego/index.htm, como no perfil da mesma en Facebook http://www.facebook.com/pages/Biblioteca-Publica-Municipal-de-Verin/104133986331021?=wall