Concello de Verín

Durante o vindeiro mes de abril a aula Multimedia do Concello de Verín ofertará doce novos cursos formativos para os/as usuarios/as interesados en ampliar os seus coñecementos no sector da comunicación e novas tecnoloxías.

Os cursos que terán lugar son: iniciación á informática, procura de información na Internet, correo electrónico,  ferramentas na nube, redes sociais, Skype-Comunicación en tempo real, retoque fotográfico (GIMP) e creación de blogs. Os mesmos terán lugar en diferentes quendas e días. Ademais impartiranse outros tres para desempregados/as: busca de emprego en Internet, elabora o teu currículum vitae e uso do DNI electrónico. Os mesmos serven de continuación aos outros dez impartidos entre xaneiro e febreiro, que foron de iniciación á informática, procura de información na Internet, procesador de textos, retoque fotográfico (GIMP) e cámara de fotos dixital.

Todas as persoas interesadas en participar nestes cursos deben realizar a súa inscrición na Biblioteca Pública Municipal de Verín ou tamén na web da Rede CeMIT. Para máis información dirixirse a Biblioteca Pública Municipal do Concello de Verín, situada na Avenida de Portugal, nº 11, no teléfono 988-414776 ou nos correos electrónicos: Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo ou Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo

No que vai de ano 2013, a Aula CeMIT impartiu un total de 20 cursos, tanto de alfabetización dixital como de mellora continua dos/as usuarios/as.