‘Día Internacional do Libro Infantil e Xuvenil’ na Biblioteca de Verín |
|
|
|
Mércores, 27 Marzo 2013 10:15 |
O vindeiro martes 2 de abril, de 18 a 19.30 horas, a Biblioteca Pública Municipal de Verín programa a conmemoración do Día Internacional do Libro Infantil e Xuvenil, no marco da programación de actividades destinadas ao fomento da lectura e dinamización da instalación municipal.
A mesma está destinada a un máximo de 25 nenos/as socios/as da instalación, con idades comprendidas entre os 3 e 9 anos, que nesta ocasión deberán estar acompañados do pai ou nai. Consistirá na realización de contacontos e manualidades destinadas a recordar esta efeméride, e na que tamén se busca que os/as máis pequenos/as compartan unha xornada cos/coas seus/súas pais/nais nestas instalacións municipais. A actividade será coordinada por nenos/as voluntarios/as, de entre 11 e 16 anos, e persoal da Biblioteca Pública Municipal de Verín.
Para participar na mesma é necesario inscribirse na propia biblioteca ou no teléfono 988-414776. Todos/as os/as usuarios/as poden informarse tanto na web da Biblioteca http://av.centromultimedia.net/microsite/verin/biblioteca/galego/index.htm, como no perfil da mesma en Facebook http://www.facebook.com/pages/Biblioteca-Publica-Municipal-de-Verin/104133986331021?=wall
|