Concello de Verín

O sábado 13 de abril, as rúas de Verín acollerán os ensaios e posterior gravación dun vídeo musical para o programa “Galicia Lipdub” da Televisión de Galicia, realizado pola produtora Alén Filmes.

Esta iniciativa, na que tamén colabora o Concello de Verín, consiste na gravación dun vídeo musical realizado por un grupo de persoas que sincronizan os seus beizos, xestos e movementos cunha canción popular, que no caso de Verín será “Quérote máis” de O Sonoro Maxín.

Devandita iniciativa está aberta a todos os colectivos, asociacións e veciños/as da localidade, que serán organizados en grupos nos que se valorará a creatividade, compromiso co proxecto, sentido do humor e as propostas de vestiarios de cada un deles/as, polo que animan á participación con disfraces ou elementos relacionados co colectivo.

O ensaio xeral terá lugar ás 11 horas, na praza García Barbón, e a gravación definitiva será ás 16 horas -todos/as participantes deben estar preparados/as coas súas vestimentas e atrezzo á hora da gravación-.