Concello de Verín

Durante os próximos días, a Biblioteca Pública Municipal de Verín programa as iniciativas ‘Contos Viaxeiros' e ‘Día Internacional do Libro', no marco da programación de actividades destinadas ao fomento da lectura e dinamización da instalación municipal.

A primeira, ‘Contos Viaxeiros', terá lugar o vindeiro venres 19 de abril, de 18 a 19.30 horas. A mesma está destinada a un máximo de 25 nenos/as socios/as da instalación, con idades comprendidas entre os 3 e 9 anos. Consistirá na realización de contacontos e manualidades relacionadas con esta temática (un avión) para que os/as participantes deberán un tubo de papel de cociña, un tubo de papel hixiénico, pintura de témpera líquida (mínimo dúas cores) e pegamento.

Mentres que a segunda,‘Día Internacional do Libro' será o martes 23 de abril, tamén de 18 a 19.30 horas. Neste caso os/as menores participantes realizarán unha manualidade especial, un libro, co obxecto de conmemorar esta data, seguida dunha sesión de contacontos a cargo dunha pedagoga. Na mesma poderán participar un total de 35 nenos/as socios/as da instalación, con idades comprendidas entre os 3 e 9 anos.

Para participar nas dúas iniciativas, coordinadas por nenos/as voluntarios/as, de entre 11 e 16 anos, e persoal da Biblioteca Pública Municipal de Verín, é necesario inscribirse na propia biblioteca ou no teléfono 988-414776. Todos/as os/as usuarios/as poden informarse tanto na web da Biblioteca http://av.centromultimedia.net/microsite/verin/biblioteca/galego/index.htm, como no perfil da mesma en Facebook http://www.facebook.com/pages/Biblioteca-Publica-Municipal-de-Verin/104133986331021?=wall