O martes 23 de abril, de 18 a 19.30 horas, coincidindo coa conmemoración do 'Día Internacional do Libro', a Biblioteca Pública Municipal de Verín acollerá unha sesión de cantacontos realizado pola profesora e artista Merchy Rozas.
Nesta sesión, realizada pola relación de amizade coa biblioteca de Verín e de modo gratuíto, Merchy Rozas realizará un percorrido interactivo por varios dos libros CD, dos que é coautura, como 'Animais enCantadores' (da editorial Corimbo e conformado por dez cancións adicadas a animais como camaleón, dinosaurio, can, morcego, coello, koala, pingüín, ratiña, porquiño e poliño), 'Cartas que veñen e van' ou 'Todos os animais ao caixón' -os dous publicados pola editorial Primerapersona ou 'En Cabárceno se oye cantar', publicado por Montañas de Papel Ediciones, con cancións que teñen a 10 animais do Parque da Natureza de Cabárceno como protagonista.
Con todo esta iniciativa lúdico-cultural tamén contará tamén coa realización dunha manualidade especial: un libro personalizado por cada participante. A mesma está destinada a un máximo de 35 nenos/as socios/as da instalación, con idades comprendidas entre os 3 e 9 anos, e será coordinada por nenos/as voluntarios/as, de entre 11 e 16 anos, e persoal da Biblioteca Pública Municipal de Verín.
Para participar nesta actividade é necesario inscribirse na propia biblioteca ou no teléfono 988-414776. Todos/as os/as usuarios/as poden informarse tanto na web da Biblioteca http://av.centromultimedia.net/microsite/verin/biblioteca/galego/index.htm, como no perfil da mesma en Facebook http://www.facebook.com/pages/Biblioteca-Publica-Municipal-de-Verin/104133986331021?=wall
|