|
Durante o vindeiro mes de maio a aula Multimedia do Concello de Verín ofertará once novos cursos formativos para os/as usuarios/as interesados en ampliar os seus coñecementos no sector da comunicación e novas tecnoloxías.
Os cursos que terán lugar son: iniciación á informática, procura de información na Internet, correo electrónico, escribindo documentos (procesador de textos), redes sociais, creando as nosas presentacións (Impress) e crear catálogos de produtos en liña (ISSU). Os mesmos serven de continuación aos outros trinta e dous impartidos durante os primeiros catro meses do ano, que foron de iniciación á informática, procura de información na Internet, ferramentas na nube, redes sociais, Skype-Comunicación en tempo real, retoque fotográfico (GIMP), creación de blogs, busca de emprego en Internet, elabora o teu currículum vitae ou e uso do DNI electrónico, entre outros.
Durante o primeiro trimestre do 2013 realizáronse 71 novas altas nestes cursos, 46 de las correspondentes a mulleres e 25 a homes. Unha cifra significativa de altas, xa que desde o 1 de xaneiro do 2011 ata finais do mes de marzo a cifra total foi de 301. A maioría destes novos/as alumnos/as teñen idades que oscilan entre os 41 e 56 anos (cun 54,93%), maiores de 65 (19,72%) e entre 26 e 40 anos (19,72%), o que supón que a media de idade se sitúe en torno aos 51 anos; mentres que con respecto á formación previa o 57,75% de novos/as usuarios/as non ten coñecementos informático, o 23,94% só posúen un nivel básico e o 14,08% nivel de usuario.
Todas as persoas interesadas en participar nestes cursos deben realizar a súa inscrición na Biblioteca Pública Municipal de Verín ou tamén na web da Rede CeMIT. Para máis información dirixirse a Biblioteca Pública Municipal do Concello de Verín, situada na Avenida de Portugal, nº 11, no teléfono 988-414776 ou nos correos electrónicos:
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
ou
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
|
