Curso 'Ruta dos lagares rupestres' en Verín |
|
|
|
Luns, 06 Maio 2013 13:27 |
O sábado 11 de maio, Verín acollerá a realización do curso 'Ruta dos lagares rupestres en Galicia', organizado pola UNED Ourense en colaboración co Concello de Verín, S.X. para o Turismo, Servino Consulting, Adega Crego e Monaguillo e Museo Etnolóxico de Ribadavia.
Devandito curso, dirixido por César Llana Rodríguez de UNED A Coruña, e coordinado por Fermín Pérez Losada e Luis Paadín, está aberto a todos as persoas interesadas en xeral e ten por obxectivo coñecer unha tradición ancestral de elaboración do viño e difundir unha parte do patrimonio vitivinícola de Galicia. O número de prazas dispoñibles son 50 (antes de matricularse hai que consultar a dispoñibilidade de prazas no 988-371444) e as horas do curso ascenden a un total de 10 (aprobado 1 crédito de libre elección -0,5 ECTS- para alumnado da UNED e solicitada homologación á S.X para o Turismo para guías turísticos de Galicia). O prazo de matrícula finaliza o 9 de maio e o prezo do curso é de 45 euros (inclúe o transporte en autobús e almorzo en Verín).
O programa de 'Ruta dos lagares rupestres en Galicia' é o seguinte: - 09.45 horas: Saída de Ourense (Torres do Pino) en autobús. - 11.15 - 12.30 horas: Relatorio “Lagares rupestres de Galicia. Pegadas da historia vitivinícola de Galicia”, na Casa da Cultura de Verín, a cargo de Luis Paadín e Fermín Pérez Losada (profesor titular de arqueoloxía da Facultade de Historia -Campus Ourense- Universidade de Vigo e titor da UNED Ourense). - 12.30 - 15.00 horas: Visita ao municipio de Oimbra: lagar de Oimbra, lagar Maseiras, lagar As Polas de Outeiro (realizada por Luis Paadín e Manuel García Valdeiras, arqueólogo municipal de Ribadavia). - 15.00 - 17.00 horas: Comida en Verín (Restaurante Brasil) - 17.00 - 18.30 horas: Visita ao municipio de Monterrei: lagar A Carreira Blanca, lagar Palocas (realizada por Luis Paadín e Mauel García Valdeiras, arqueólogo municipal de Ribadavia). - 18.30 - 21.00 horas: Visita a adega Crego e Monaguillo (DO Monterrei). |