Concello de Verín

O alcalde de Verín, Juan Manuel Jiménez Morán, Diego García Sarabia e Alejandro Abalde, coordinadores da Fundación Celta de Vigo, revalidaron esta mañá, e por segundo ano consecutivo, o convenio conxunto para desenvolver un campus de verán do 1 ao 6 de xullo en Verín.

Este campus de verán, destinado a menores con idades comprendidas entre os 4 e 16 anos, ten por obxectivo que os os/as participantes perfeccionen e melloren os seus coñecementos en actividades deportivas cuxo eixe central será o fútbol e que se complementarán con outras de carácter didáctico e lúdico. Por este motivo aséntase nas seguintes liñas de actuación: aprender e perfeccionar a técnica individual do fútbol mediante xogos e exercicios progresivos, iniciar e perfeccionar a súa actividade deportiva colectiva, desenvolver no alumno unha actitude participativa e socializadora, desenvolver as capacidades físicas base, aprender os principios básicos dunha alimentación saudable e contribuír ao desenvolvemento integral do neno/a (a través de actividades formativas e educativas en alimentación e hábitos saudables).

O campus de verán da Fundación Celta de Vigo, des seis días de duración, se impartirá en horario matinal, de 10 a 14 horas, e o prezo para participar no mesmo será de 160 euros (público en xeral) ou de 120 (abonados do Celta, membros da Fundación e alumnos das Escolas Deportivas de Fútbol e Fútbol-Sala do Concello de Verín).  En devandita iniciativa, que permitirá aos menores adestrarse como verdadeiros xogadores de fútbol profesional con monitores cualificados, se lles entregará unha equipación a cada participante e contará coa presenza de olladores do R.C. Celta de Vigo, para identificar a novas promesas, que terán a oportunidade de adestrarse na Madroa.  A inscrición debe realizarse no Complexo Deportivo de A Granxa (de 10 a 13.30 e de 16 a 22 horas).