Concello de Verín

O salón de actos da Casa da Cultura de Verín acolle este xoves 30 de maio, a partir das 20.30 horas, a charla-coloquio 'O Wu-Shu e o deporte de elite', a cargo do verinense José Manuel Ferreira Colmenero.

Durante a mesma, Ferreira Colmenero aproximará aos/ás asistentes ás experiencias no mundo da alta competición, así como as súas vivencias e realidades nos adestramentos e campionatos no deporte de elite. Este mozo é o actual campión de España en Wu-Shu, membro da selección española absoluta e, neste momentos, está inmerso no programa de preparación do Campionato do Mundo que se disputará en Kuala Lumpur (do 26 de outubro ao 08 de novembro de 2013).

Esta charla-coloquio, enmarcada dentro do programada de actividades das VII Xornadas de Deporte e Saúde, contará coa asistencia de José Gago Garrido, presidente do departamento de Wu-Shu da Real Federación Galega de Judo e departamentos asociados, e seleccionador nacional ata o ano 2011.