Este venres 07 de xuño, a partir das 20.45 horas, terá lugar a primeira edición da Gala do Deporte de Verín, realizada polo servizo de Deportes do Concello de Verín, na dezasete deportistas locais optan a catro dos sete premios que se entregarán na mesma, destinada a recoñecer a súa labor durante esta última tempada.
O xurado cualificador estivo conformado polos seguintes técnicos deportivos e representantes de medios de comunicación locais: José Manuel Paredes González (presidente do club de salvamento acuático de Ourense e docente no ciclo superior de TAFAD do CIFP de A Farixa en Ourense), Carlos Crespo Toral (presidente da A.D. Monterrei e docente de educación física en el CEIP Princesa de España de Verín), Javier Loureiro Díaz (fundador de CentroKorazon e membro da Comisión permanente sobre deporte e saúde do Comité de expertos do Consello Xeral de Colexios oficiais de licenciados en educación física e CAFD de España), Benjamín Estévez Zarzuelo (coordinador técnico do servizo de deportes do Concello de Verín e adestrador superior de baloncesto no CB Allariz) e Feliciano Romero Medeiros (de Cadena Cope Verín). O mesmo, e previa proposta de candidatos/as por parte dos/as veciños/as da comarca de Verín, xa seleccionou aos/ás candidatos/as aos premios de Mellor Deportista Promesa, Mellor Deportista Absoluto, Mellor Deportista Veterano, Mellor Entidade Deportiva, Patrocinio Deportivo Fomento do Deporte para Todos e Traxectoria Deportiva -ademais de accésits e Mencións-, que se repartirán durante a gala.
Os/as finalistas elixidos para cada uno dos premios son os seguintes: - Premio ao Mellor Deportista Promesa (dirixido a todos os deportistas masculinos e femininos cuxa idade está comprendida dentro das categorías de base, ou no seu defecto, que sexa menor de idade): Miguel Salgado Pérez, José Carlos Castro Torres e Javier Baños González (fútbol-sala), María Eugenia Lorenzo Esteban (doma clásica), e Pablo Pérez Blanco (fútbol). - Premio ao Mellor Deportista Absoluto (dirixido a todos os deportistas cuxa idade está comprendida dentro da categoría sénior e que sexa maior de idade): José Manuel Ferreira Colmenero (wu shu), Marina González Rodríguez (duatlon) e Adrián Garrido Gago (motocross). - Premio ao Mellor Deportista Veterano (dirixido a todos os deportistas cuxa idade está comprendida dentro das categorías de veterano e todas as súas variantes, ou no seu defecto, que sexa maior de 35 anos): Juan Baños Fariñas, Dionisio Fernández Fernández e Javier Yañez Dos Santos - Premio á Mellor Entidade Deportiva (dirixido a todos os colectivos deportivos en calquera do seu formato creacional: asociacións, clubs e/ou equipos, cuxos fins primordiais sexan a participación en competicións deportivas de calquera índole, a promoción de participación masiva en eventos deportivos ou a propia creación e organización de probas deportivas de recoñecido valor socio-deportivo): Asociación de Senderismo Ruta das Augas, BTT Verín e CB Xuventude Verín. - Premio Especial ao Patrocinio Deportivo (dirixido a todas aquelas entidades privadas que colaboran, promoven, coorganizan e fomentan o desenvolvemento do tecido deportivo da comunidade), Premio Especial ao Fomento do Deporte para Todos (dirixido a aquelas persoas que colaboran, promoven, organizan, fomentan e/ou participan no desenvolvemento e crecemento do tecido deportivo da comunidade no apartado do deporte popular non federado e que non participa en competición; a premiar aquelas iniciativas que promovan o Deporte para a Saúde e o Deporte Inclusivo -deporte e actividade física adaptada para discapacitados-, en tanto que dean cabida á actividade física saudable en escolares, adultos e terceira idade) e Premio Especial á Traxectoria Deportiva (dirixido a todas aquelas persoas que presenten unha bagaxe ou historial que sexa de recoñecido valor moral, social e deportivo) serán de asignación directa e se anunciarán durante o transcurso da propia Gala do Deporte.
Durante a mesma tamén se outorgarán accésits e mencións especiais, entre as que se atopa unha homenaxe aos xogadores do Verín CF da tempada 1971-1972.
|