|
Durante este mes de xullo a aula Multimedia do Concello de Verín ofertará cinco novos cursos formativos para os/as usuarios/as interesados en ampliar os seus coñecementos no sector da comunicación e novas tecnoloxías.
Os cursos que terán lugar son: correo web (Gmail), redes sociais (Facebook), internet e iniciación á informática. Os mesmos serven de continuación aos outros cincuenta e sete impartidos durante os primeiros seis meses do ano, que foron procura de información na Internet, correo electrónico, ferramenta na nube, redes sociais (Facebook, Twitter), DNI-e e certificados electrónicos, administración electrónica, opera co teu banco, o catastro e o sixpac, compras seguras, creando as nosas presentacións (Impress), folla de cálculo, escribindo documentos (procesador de textos), seguridade informática, Skype-Comunicación en tempo real, retoque fotográfico (GIMP), creación de blogs, busca de emprego en Internet, elabora o teu currículum vitae ou crear catálogos de produtos en liña (ISSU), entre outros.
Por outra banda, durante os meses de xullo e agosto, na aula Multimedia de Verín impartiranse actividades relacionadas coas novas tecnoloxías para os/as menores participantes na Ludoteca 2013 “Convive en Igualdade”. Unha iniciativa que complementa os obradoiros de lectura, contacontos, xogos cooperativos, piscina ou cine infantil realizados durante estes meses para os/as nenos/as da Ludoteca de Verán.
Todas as persoas interesadas en participar nestes cursos deben realizar a súa inscrición na Biblioteca Pública Municipal de Verín ou tamén na web da Rede CeMIT. Para máis información dirixirse a Biblioteca Pública Municipal do Concello de Verín, situada na Avenida de Portugal, nº 11, no teléfono 988-414776 ou nos correos electrónicos:
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
ou
Este enderezo de correo-e está a ser protexido de programas autómatas de envío de correo non sedexado, precisas activar o JavaScript para velo
|
