|
O Plan de Competitividade Turística Puertas de Galicia, co obxecto de aproximar a información das comarcas de Verín e Conso-Frieiras a todos os/as veciños/as e visitantes, acaba de lanzar a renovación da súa páxina web e as APPs para dispositivos móbiles de IOS e Android.
Estas APPs, xa dispoñibles e gratuítas, pódense descargar en http://bit.ly/11FBXKF (APP para Iphone) ou http://bit.ly/14ZPDwZ (APP para Android) e a nova web pódese visitar en http://www.puertasdegalicia.com (se articula en torno aos apartados de plan, municipios, noticias, establecementos, que ver, que facer, gastronomía, axenda e contacto).
Por outra banda, xa se iniciaron as actuacións previstas para o proxecto 'Catro Estacións Gastronómicas en Portas de Galicia', unha iniciativa destinada a potenciar a oferta enogastronómica das comarcas de Verín e Conso-Frieiras como atractivo turísticos da zona ao longo de todo o ano. O Parador de Verín foi o lugar escollido para iniciar a tempada de verán, e nel se reuniron máis de 25 empresarios do sector hostaleiro e da restauración. Na primeira sesión, a formación articulouse en aspectos como consecución de clientes satisfeitos, preparación de actividades, preparación da nosa propia oferta e desenvolvemento promocional deste proxecto. Tras a clase teórica tivo lugar a parte práctica na que se realizaron varios pratos con produtos das comarcas Verín e Conso-Frieiras como: Milfollas de verduras, Tempura de verduras, Tartar de xurelo con tomates e aguacate, Tosta de Pementos con sardiñas e amorodos, Bonito vermello con verduras, Paillot de pescada, Cabrito de Vilariño con pataca confeitada, Hamburguesa ecolóxica con queixo azul e amorodos ao viño arauxa con xeado de vainilla e souffle de castaña con xarope de toffee. Esta sesión se repetirán na localidade de A Gudiña, co fin de atraer a un número maior de persoas interesadas na zona de Conso-Frieiras, e así lograr que máis empresarios do sector hostaleiro e da restauración se adhiran ao proxecto 'Catro Estacións Gastronómicas en Portas de Galicia',
O Plan de Competitividade Puertas de Galicia está promovido por Turespaña, Secretaría Xeral para o Turismo da Xunta de Galicia e doce municipios (Castrelo do Val, Cualedro, Laza, Monterrei, Oímbra, Riós, Verín, Vilardevós, A Gudiña, A Mezquita, Viana do Bolo e Vilariño de Conso), integrados na Asociación de Municipios para o Plan de Competitividade Turística das comarcas de Monterrei e Conso-Frieiras, e a Asociación de Empresarios de Turismo e Hostalería Puertas de Galicia. Entre os obxectivos deste plan están a busca de especialización tanto no destino como no produto, deseñar unha oferta capaz de introducir a experiencia turística como elemento motivador da viaxe, así como a busca da mellora da competitividade das PEMES e MPEMES turísticas para lograr a sostenibilidade do territorio.
|
Cidade 
