|
O alcalde de Verín, Juan Manuel Jiménez Morán, entregou os diplomas dos 50 cursos formativos impartidos pola aula CeMIT de Verín, durante o segundo trimestre de 2013, nos que participaron un total 481 persoas de todo o municipio.
A longo deste trimestre a aula Multimedia do Concello de Verín, no que tamén se impartiron seminarios do Centro de Novas Tecnoloxías de Galicia, ofertou accións formativas en: iniciación á informática, procura de información na Internet, correo electrónico, ferramenta na nube, escribindo documentos (procesador de textos), correo web (Gmail), redes sociais (Facebook, Twitter), DNI-e e certificados electrónicos, administración electrónica, opera co teu banco, o catastro e o sixpac, compras seguras, creando as nosas presentacións (Impress), folla de cálculo, escribindo documentos (procesador de textos), crear catálogos de produtos en liña (ISSU) e seguridade informática. Esta aula CeMIT do Concello de Verín comezou a impartir distintos cursos de alfabetización informática no ano 2011, co obxecto de ser un vehículo para a posta en práctica de iniciativas orientadas a impulsar o emprego das tecnoloxías da información e comunicación de cara a fomentar a empregabilidade, competitividade empresarial, inclusión, benestar e o empuxe da Administración.
No segundo trimestre do ano realizáronse 67 novas altas nestes cursos, 38 de las correspondentes a mulleres e 29 a homes. Unha relevante cifra de altas, xa que desde o 1 de xaneiro do 2011 ata finais do mes de marzo a cifra total foi de 368. A maioría dos/as novos/as alumnos/as teñen idades que oscilan entre os 41 e 65 anos (cun 70,15%), maiores de 65 (5,97%) e entre 26 e 40 anos (17,91%). Con respecto á formación previa o 46,27% de novos/as usuarios/as non ten coñecementos informático, o 16,42% só posúen un nivel básico e o 28,36% nivel de usuario. Mentres que o grado de coñecemento do servizo aséntase fundamentalmente a través do axente TIC da propia aula CeMIT (cun 61,19%), asociacións, Concello de Verín e medios de comunicación.
|
