Concello de Verín

O venres 11 de outubro, ás 18:00 horas, a Biblioteca Municipal de Verín acolle o contacontos familiar “Travesias”, un espectáculo de narración oral con obxectos e títeres, de Raquel Queizás.

“Travesías” está formada por varios contos que buscan  transmitir valores de igualdade,  respecto e convivencia entre nenas e nenos, así como entre mulleres e homes.

Agárdannos viaxes cheas de aventuras na que coñeceremos a nenas e mulleres bravas que loitaron contra os prexuízos para conseguir alcanzar os seus soños.

Ata fai moi pouco tempo os contos infantís reflectían un mundo onde os protagonistas eran sempre  heroes masculinos que salvaban a unha débil princesa. E en raras ocasións aparecían mulleres decididas e resoltas. Pero agora podemos contar con contos que transmiten valores de igualdade, de respecto e convivencia entre nenas e nenos, e entre mulleres e homes.

Cambiemos o conto!