Concello de Verín

Mañá mércores 16 de outubro, ás 13.30 horas, o concelleiro de Sanidade, Servizos Sociais e Igualdade, Eugenio Quintas recibirá no Complexo Deportivo de A Granxa a Marcos Bajo deportista con discapacidade visual debido a unha Enfermidade Rara, cofundador da Asociación “Muévete por los que no pueden”, artífice da III Volta Solidaria a España en favor das Enfermidades Raras, que discorre por Verín na súa décima etapa.

Devandita iniciativa nace para dar a coñecer as enfermidades raras ( ER), animar ás persoas con discapacidade a practicar deporte saudable, eliminar as barreiras sociais e achegar á poboación a realidade dos pacientes e familiares de  ER. Tamén pretende recadar fondos para a continuidade das investigacións.

O reto consiste nun percorrido por media España en modalidade dúatlon (a diario, unha maratón a pé e un media maratón en bicicleta) en 35 días. O roteiro iniciouse en Bilbao o 7 de Outubro, tras dúas etapas prologo polos arredores da capital  Bilbaína, e acabará en Barcelona o 10 de novembro do 2019.

Bajo, nesta III Volta Solidaria, unirá 5 centros de investigación en Enfermidades  Raras,  os  cales  foron bolseiros en 2018 ou 2019 pola Asociación que preside. Con estas visitas pretenden visibilizar a situación actual da Investigación en España.

Marcos Bajo é un deportista  amateur que ten  retinosis  pigmentaria, enfermidade que lle produce unha deficiencia visual cunha visión central de só 5 graos.

Xunto a Marcos irá o seu equipo de apoio, formado por Minerva González e Gregorio Jiménez, os cales lle darán soporte, nutricional e loxístico na totalidade do percorrido e Roberto Calderón que se unirá en tramos puntuais, equipo formado integramente por persoas con algunha discapacidade, con patoloxías tales como, cegueira por desprendemento de retina, afeccións cardíacas,  retinosis  pigmentaria e síndrome de Mèniére.

Pero como sempre comentan, o seu mellor premio en calquera carreira é poder axudar a outros compañeiros con outras discapacidades ou poder dar a coñecer as ER.

III VOLTA SOLIDARIA A ESPAÑA ( PERCORRIDO ):

https:// mueveteporlosquenopueden.org/percorrido/

Para máis información e entrevistas: Marcos Bajo Lea: 659983920