Esta mañá, o concelleiro de Sanidade, Servizos Sociais e Igualdade, Eugenio Quintas e a concelleira de Educación, Cultura e Festexos, Emilia Somoza, recibiron no Complexo Deportivo de A Granxa a Marcos Bajo deportista con discapacidade visual debido a unha Enfermidade Rara, cofundador da Asociación “Muévete por los que no pueden”, artífice da III Volta Solidaria a España.
Eugenio Quintas quixo agredecer a Bajo o “titánico esforzo” realizado pola Asociación “Muévete por los que no puedes” á hora de visibilizar a problemática das Enfermidades Raras e destacou a «importancia que teñen este tipo de accións para concienciar á poboación sobre os problemas aos que se enfrontan a diario as persoas que conviven con estas enfermidades pouco frecuentes».
Devandita iniciativa nace para dar a coñecer as enfermidades raras (ER), animar ás persoas con discapacidade a practicar deporte saudable, eliminar as barreiras sociais e achegar á poboación a realidade dos pacientes e familiares de ER. Tamén pretende recadar fondos para a continuidade das investigacións.
O reto consiste nun percorrido por media España en modalidade dúatlon (a diario, unha maratón a pé e un media maratón en bicicleta) en 35 días. O roteiro iniciarase en Bilbao o 7 de Outubro, tras dúas etapas prologo polos arredores da capital Bilbaína e acabará en Barcelona o 10 de novembro 2019.
Bajo, nesta III Volta Solidaria, unirá 5 centros de investigación en Enfermidades Raras, os cales foron bolseiros en 2018 ou 2019 pola Asociación que preside, con estas visitas pretenden visibilizar a situación actual da Investigación en España.
Marcos Bajo é un deportista amateur que ten retinosis pigmentaria, enfermidade que lle produce unha deficiencia visual cunha visión central de só 5 graos.
Xunto a Marcos irá o seu equipo de apoio, formado por Minerva González e Gregorio Jiménez, os cales lle darán soporte, nutricional e loxístico na totalidade do percorrido e Roberto Calderón que se unirá en tramos puntuais, equipo formado integramente por persoas con algunha discapacidade, con patoloxías tales como, cegueira por desprendemento de retina, afeccións cardíacas, retinosis pigmentaria e síndrome de Mèniére.
Pero como sempre comentan, o seu mellor premio en calquera carreira é poder axudar a outros compañeiros con outras discapacidades ou poder dar a coñecer as ER.
III VOLTA SOLIDARIA A ESPAÑA ( PERCORRIDO ):
https:// mueveteporlosquenopueden.org/recorrido/
Para máis información e entrevistas: Marcos Bajo Lea: 659983920
|