Concello de Verín

Verín sumase o vindeiro sábado 26 de outubro a iniciativa, “Vive o Camiño”, promovida pola Xunta de Galicia para a promoción do Camiño de Santiago cara o Xacobeo 2021.

O programa “Vive o Camiño” é un conxunto de actividades enfocadas ás poboacións polas que transcorre o Camiño de Santiago que busca dar a coñecer as singularidades patrimoniais e gastronómicas de cada zona; neste caso a Vía da prata.  Consiste nunha serie de actos de promocionais, para todos os públicos, que contará con actividades variadas, dende sendeirismo ata degustacións gastronómicas.

A primeira das actividades programadas será unha andaina polo río Támega. A mesma partirá ás 10: horas dende a Praza do Concello de Verín e contará co acompañamento dun guía oficial e un experto en patrimonio natural. (Duración estimada, dúas horas).

Por outra banda, a sala multiusos do Auditorio de Verín acollerá, ás 16:30 horas dous obradoiros: “Memorias de Prata” destinado a un público adulto, “Xogando coa natureza”, para os máis cativos.

Para finalizar a xornada, terá lugar no hall do Auditorio, ás 17:30 horas, a actividade “Catar o camiño”.

Todas as actividades serán gratuítas pero será necesario realizar unha inscrición previa dende o luns dia 21 ate o venres día 25, en horario de 09:30 a 13,30 horas, no teléfono 722 876 073.