Mostra fotográfica “Fragmentos da Natureza” de Brais Seara na Sala de Exposicións de Verín |
|
|
|
Luns, 28 Outubro 2019 13:56 |
Dende mañá martes 29 de outubro, ata o 23 de novembro, estará aberta ao público a mostra “Fragmentos da Natureza” na Sala de Exposicións de Verín. O fotógrafo Brais Seara (Allariz, 1981) presenta unha visión da natureza en estado puro, con atención a cada especie ou paisaxe. Cada humano percibe o mundo dunha forma completamente diferente. Unha contorna cambia en segundos: luces, cores, formas… a expensas da mirada.
"Fragmentos da natureza" son instantes únicos, captados en Galiza, España, Finlandia, Alemaña, Escocia ou Inglaterra, e reflicten unha complexa transacción entre o observado, o interpretado e o que o fotógrafo nos pretende mostrar.
Sala de Exposicións de Verín. Horarios: mártes a sábado , 12:00 h a 14:00 h; 17:00 a 21:00h |