O salón de plenos do Concello de Verín acolleu hoxe, 31 de outubro, unha sesión extraordinaria urxente na que se abordaron os seguintes puntos:
1.RATIFICACIÓN DA URXENCIA DA CONVOCATORIA
2. APROBACIÓN DA ACTA DA SESIÓN EXTRAORDINARIA DE DATA
21.10.2019
3. Expediente 3812/2019. APROBACIÓN DA CONTA XERAL DO ORZAMENTO 2017
4. Expediente 4239/2019. Modificación de Crédito
5. Expediente 4479/2019. Modificación de Crédito
No referente a ratificación da urxencia da convocatoria, o alcalde de Verín, Gerardo Seoane, explicou que a urxencia da sesión débese a que hai que facer unha modificación de crédito que precisa 15 días hábiles de exposición pública; «se contamos desde mañá temos o tempo xusto para poder executar o orzamento».
Pola súa banda, o voceiro da oposición, Juan Manuel Jiménez Morán, manifestou a súa desconformidade expondo que a urxencia non é tal e que, ademais o pleno convocouse con menos de 24 horas de antelación. Jiménez manifestou que con este proceder estase faltando o respecto á oposición e que por este motivo, os concelleiros do grupo popular abandonan o pleno. Diego Lourenzo, desmentiu ditas acusacións asegurando que a convocatoria realizouse cunha anticipación de 24 horas e aseverou que como voceiro do goberno, e en nome dos 13 concelleiros que o forman, e que supón o 75 % da representación do Pleno, parécelle «unha falta de respeto o abandono do grupo popular». Seguidamente o presidente somete a urxencia a votación, sendo aprobada por 13 votos a favor (8 PSdeG-PSOE e 5 BNG).
Acto seguido o pleno someteu a votación a aprobación da sesión extraordinaria de data 21.10.2019, así como a aprobación da conta xeral do orzamento 2017, ambos os puntos aprobados por unanimidade.
En canto os puntos referentes as modificacións de crédito, tamén aprobados por unanimidade, o voceiro municipal, Diego Lourenzo explicou que veñen derivados da redacción do Plan Económico Financeiro 2019-2020, concretamente da obriga do Concello de Verín de adoptar as medidas necesarias para reconducir a situación económica actual e cumprir co obxectivo de estabilidade orzamentaria nos exercicios 2019-2020.
Entre as medidas contempladas neste PEF encóntranse -entre outras-, a amortización no ano 2019 da débeda financeira formalizada co Fondo para a Financiamento dos Pagos a Provedores (FFPP) do ano 2012: De aquí a modificación con Expediente 4479/2019 por valor de 711.324,80 euros que corresponde, a alza, a un préstamo adquirido co Banco Sabadell e, a baixa, con distintas partidas do orzamento do ano 2019 non executadas.
Outras das medidas contempladas no PEF é a formalización dun crédito da lexislatura do ano 2019 co fin de financiar parte dos gastos correntes devengados no ano 2018 e que entran a formar parte da conta 413 (Acredores por operacións pendentes de aplicar o presuposto). Derivada de esta medida, realízase a modificación de crédito con expediente 4239/2019 por valor de 531.945,51 euros, que contempla algunhas pequenas modificacións procedentes de gastos financiados directamente por subvencións, así como todos os pagos pendentes de aplicacións procedentes dos anos 2017 e anteriores (35.664,89 euros), os producidos en xaneiro de 2019 que non se atopaban contemplados na fase ADO (224.665,87 euros), e os pagos pendentes de aplicación producidos dende xaneiro (62.112,60 euros). Tamén se inclúen nesta modificación os gastos derivados de sentenza xudicial tras terse presentado demanda por parte de algúns provedores municipais |