Concello de Verín

Dezaseis mulleres con discapacidade da comarca de Verín participan desde finais de setembro no Programa de Empoderamento e Activación para o Emprego. Este Programa xorde da colaboración entre o  Concello de Verín,  a Obra social La  Caixa e a Confederación Estatal de Persoas con Discapacidade Física e Orgánica ( COCEMFE) e ten como obxectivo fomentar o empoderamento e conseguir a integración sociolaboral das mulleres con discapacidade.

Durante os próximos meses levaranse a cabo na sede de Servizos Sociais situada na Casa da  Xuventude do Concello de Verín diferentes accións grupais e individuais: talleres grupais de empoderamento, habilidades prelaborais, alfabetización tecnolóxica e deseñarase para cada unha das participantes un itinerario personalizado de inserción. COGAMI, como entidade colaboradora en Galicia do “Programa Incorpora” de La Caixa apoiará as accións de procura de emprego e fomento de contratación das mulleres con discapacidade que inician o programa.

Así mesmo, levaranse a cabo diversas accións de formación e sensibilización en colexios da zona co obxectivo de achegar a problemática da muller e a discapacidade ao alumnado da zona de Verín.