Pleno Extraordinario: 22 de novembro de 2019 |
![]() |
![]() |
![]() |
Venres, 22 Novembro 2019 14:32 |
Tras aprobar por unanimidade a acta da anterior sesión extraordinaria urxente, o presidente, Gerardo Seoane, someteu a votación solicitude de inclusión no Plan Provincial de Cooperación ás Obras e Servizos Municipais da Deputación Provincial de Ourense, para o exercicio 2020, das seguintes obras: 1ª.- Canalización do canal de san lázaro e beirarrúas tramo urbano casa do escudo-estrada de Vences, por un importe de 48.000 euros 2ª.- Adecentamento e beirarrúas do acceso a Primeiro de Maio por entrada norte (Estrada de Laza, por un importe de 48.000 euros. Devandito punto quedou aprobado por 12 votos (7 PSdeG-PSOE e 5 BNG) a favor e 4 abstencións do Partido Popular. Por outra banda, o pleno tamén aprobou, por 12 votos (7 PSdeG-PSOE e 5 BNG) a favor e 4 abstencións do Partido Popular, asumir a xestión directa do servizo de atención á dependencia. Este acordo plenario levase a cabo previa comunicación por parte do xestores da concesionaria (ALPIXENDRA SERVICIOS RURAIS S.L) de non revalidar a prórroga anual permitida no seu contrato de concesión ao considerar que as actuais condicións da adxudicación son deficitarias e lles estaban a provocar importantes perdas ao mes. Segundo destacou Seoane «Ante a imposibilidade de sacar o prego a concurso polos prazos legais, e para evitar que o servizo se vexa comprometido, decidimos asumilo de forma provisional dende o Concello. Se todo funciona correctamente, manteremos o servizo, se non, volveremos a sacalo a concurso». Tamén se acordou na sesión, por 12 votos (7 PSdeG-PSOE e 5 BNG) a favor e 4 abstencións do Partido Popular, a saída do Plan de Pago a Provedores do ano 2.012, mediante amortización anticipada total da operación de endebedamento vinculada ao mesmo, con cargo integramente a fondos propios municipais, así como a amortización anticipada total da operación de endebedamento, con cargo a recursos financeiros propios municipais. Coa finalidade de dar cumprimento aos obxectivos de estabilidade orzamentaria, regra de gasto e sustentabilidade financeira a 31 de decembro de 2.020, aprobouse esta mañá tamén o Plan Económico – Financeiro obrante no expediente para o período 2.019 – 2.020, por 12 votos (7 PSdeG-PSOE e 5 BNG) a favor e 4 abstencións do Partido Popular. Por último quedaron aprobadas por 12 votos (7 PSdeG-PSOE e 5 BNG) a favor e 4 abstencións do Partido Popular as dúas operacións de crédito levadas a pleno, esixidas no novo Plan Económico Financeiro, incluídas dentro das súas medidas de consolidación. «O novo Plan Económico Financeiro indica que é necesario facer catro modificacións. Concretamente, no anterior pleno aprobamos dúas delas. Neste vaise dar cumprimento, por unha banda, a formalizar no ano 2019 a débeda financeira necesaria para financiar a totalidade das inversións que se preveu realizar no exercicio, e dicir, a modificación 14/2019 por un valor de 670.000 euros; e por outra, a formalizar unha operación de crédito en 2019 coa finalidade de financiar a totalidade do importe gastos correntes devengados no 2018, o que se corresponde con Modificación 10/2019, cun importe de 531.945,51 euros», explicou Diego Lourenzo.
|