A Asociación Cultural Vía XIV e AEVER entregan os premios aos mellores escaparates de cinema en Verín |
![]() |
![]() |
![]() |
Martes, 17 Decembro 2019 10:48 |
Coma en edicións anteriores, o IV Festival Internacional de Curtas de Verín, FIC Vía XIV, levou parellas unha serie de actividades paralelas co obxectivo de integrar á poboación e aos axentes socioeconómicos da zona no discorrer do festival. Entre estas iniciativas paralelas, púxose en marcha, ao igual que xa se fixera o ano pasado, un concurso promovido conxuntamente por la Asociación Cultural Vía XIV y la Asociación de Comerciantes e Empresarios de Verín, AEVER, para que os establecementos interesados engalanasen os seus escaparates con motivos de cinema. Establecementos premiados Esta mañá coñeceuse o resultado deste concurso, que distinguiu en primeiro lugar a Barbería Carlos. No segundo posto clasificouse Joyería Pato e a terceira posición foi para Noisiness. Estes establecementos recibiron cadanseu premio de 150, 75 e 50 euros respectivamente. E o primeiro clasificado, a Barbería Carlos, reintegrou o importe do premio á Asociación Cultural FIC Vía XIV, para apoiar o devir futuro do certame, un xesto que o director do festival, Carlos Montero, quixo agradecer “moi especialmente”. Montero tamén agradeceu a implicación de todas as empresas, comercios e negocios que participaron no concurso. “E, particularmente, a AEVER, por apoiar unha vez máis o noso Festival e respaldar un dos premios que se entregaron na gala de clausura do certame, co que se distinguiu a traxectoria da actriz Mabel Rivera”.
|