Verín presenta a súa programación de Nadal |
Venres, 06 Decembro 2019 17:52 |
A axenda de actividades de Nadal está composta por máis dunha decena de propostas culturais e de lecer para todos os públicos; entre os que se inclúen concertos, teatro, obradoiros, mercados e feiras específicas, actividades para os centros de maiores, actividade diaria na Ludoteca (para conciliar a vida familiar e laboral), iniciativas sociais e comerciais, xunto coa tradicional cabalgata de Reis. Do programa do Nadal, que se pode consultar na páxina web do Concello e que será distribuído polos diferentes centros municipais e establecementos comerciais e hostaleiros da vila, caben destacar as seguintes actividades: PROGRAMACIÓN 7 e 8 de decembro FEIRA DE NADAL Mercado temático con máis de 40 postos de artesanía, alimentación, decoración, regalos e doces. A feira contará tamén con animación natalicia, cata de viños, música e sorteos de productos típicos de nadal doados polos expositores. Ao igual que na pasada edición, a Feira de Nadal conta coa participación activa das nenas e nenos da vila, con postos onde porán a disposición dos veciños os seus propios produtos artesanais. Organiza: Concello de Verín Ata o 6 de xaneiro BELÉN DA VIRUCA Salón Parroquial de Verín, De luns a Sábado de 17 a 20.00 Belén de gran tradición familiar que mostra a veciños e visitantes escenas típicas da tradición relixiosa e elementos da actualidade galega. Un Belén que é posible grazas á dedicación desta familia e a colaboración da Uap de Verín. Organiza: Viruca, en colaboración UAP Verín. Sábado día 14 CONCERTO DE NADAL 18:00 h, Auditorio Municipal. Actuación de alumnas e alumnos do Conservatorio Elemental de Música de Verín con repertorio clásico e de do Nadal. Organiza: Conservatorio Elemental de Música de Verín Concello de Verín
Domingo 15 decembro GALA DE NADAL DE XIMNASIA RÍTMICA 17:30 h . Auditorio Municipal O festival dará comezo ás 12:00 horas coa actuación da banda de gaitas do Concello de Verín e coas exhibicións dos clubs Escola Ximnasia Pavillón Ourense (con catro actuacións), Club Ximnasia Pavillón Xinzo de Limia, Escola Ximnasia Rítmica Maceda, Club Deportivo Ximnasia Rítmica Verín (con dúas actuacións). Para finalizar, haberá varias mostras de Danza e Flamenco Fusión. A partir das 16:00 horas, o Club de Rítmica organiza, en colaboración co Concello de Verín, o “Xogo_Party Verín”, actividade aberta a todo o público infantil Organiza: Club Deportivo de Ximnasia Rítmica de Verín
Domingo 15 decembro GALA DE NADAL TODO FITNESS. 17:30 h . Auditorio Municipal, Organiza: Sala Todo Fitness.
Venres día 20, inauguración ás 19 h; ata o día 11 de xaneiro EXPOSICIÓN: NOTAS DE COR Sala de Exposicións de Verín. Martes a sábado, 12 a 14 e 17 a 21 h A Escola de Artes e Oficios de Verín preséntanos as miradas particulares do seu alumnado, en pinturas, debuxos, tallas en madeira, modelados en terracota e cerámicas realizadas con torno de oleiro. Organiza: Escola de Artes e Oficios de Verín e Concello de Verín Do 21 ao 6 de xaneiro PISTA DE XEO NATURAL Praza García Barbón, de 11:00 a 14:00, e de 16:00 a 22:00 h. Organiza Aever
Sábado día 21 CONCERTO-BAILE DE NADAL PARA OS NOSOS MAIORES 16:00 h. Residencia de Anciáns Hogar Santa María, Temas populares do repertorio internacional e do Nadal para que os nosos maiores gocen escoitando ou bailando a música que interpretará a Banda do Conservatorio Elemental de Música de Verín. Organiza: Hermanitas dos Anciáns Desamparados, Conservatorio Elemental de Música de Verín e Concello de Verín
Desde 21 decembro ao 7 de xaneiro Pavillón Municipal de Deportes, De luns a venres, de 09,00 a 14,00 horas, e de 16,00 a 20,00 horas. Os sábados de 9 a 14 horas. Todos os días de vacacións escolares, haberá un servizo de ludoteca, para a conciliación familiar. Organiza: Concello de Verín
Domingo día 22 CANTOS SACROS E VILANCICOS Residencia de Anciáns Hogar Santa María, 10:00 h A Coral de Verín ofrecerá un programa de temas sacros, panxoliñas e panxoliñas ás persoas residentes e ás familias que participen no oficio dominical. O acto está patrocinado polo Concello de Verín. Organiza: Hermanitas dos Anciáns Desamparados
Sábado 28 de decembro CONCERTO DE PRESENTACIÓN DO CD "RUMBO NE" DA BANDA DE GAITAS NOVA ERA. 18:30 h. Auditorio de Verín. A Banda de Gaitas Nova Era ofrecerá o seu xa tradicional concerto de Nadal no que presentará o seu primeiro traballo discográfico, “Rumbo NE”. Trátase dun disco que plasma a viaxe musical desta agrupación na que conviven decenas de instrumentos, influencias e melodías distintas. PREZO: 3 euros. Reserva previa de entradas a través da páxina de Facebook @asocmtm . Organiza: Nova Era
Domingo 29 de decembro OBRA DE TEATRO INFANTIL “PROXECTO NOEÉ” 18:00 h. Auditorio Municipal. Neve, tres pingüíns, o desxeo e dous boletos para a A.R.C.A. (Aparello Rescatador de Animais) de NOEÉ (Novos Observadores Especialistas da Evacuación) son os elementos desta historia narrada cunha linguaxe sinxela e contundente. Os pingüíns reflexionan sobre o valor da amizade: como facer para salvarse os tres cando só teñen dúas pasaxes? Cando está permitido e cando non romper as regras? Entrada Gratuíta. Reserva Anticipada no Auditorio. Organiza: Concello de Verín.
Luns día 30 PETISCOS DE PATO CON TUDOS 19:30 h. Casa da Cultura. Con motivo do corenta aniversario da defunción de Enrique Gómez Pato, creador polifacético radicado en Verín que desenvolveu, principalmente nos anos cincuenta e sesenta do pasado século, unha importante obra como dramaturgo, xornalista, poeta e humorista, Plácido Romero Bernardo presenta este documental na súa homenaxe. Organiza: Concello de Verín
Venres 3 de xaneiro GALA FAMILIAR DE AEVER “ESTRELAS MÁXICAS”. 18:30 h. Pavillón dos Deportes. Co tradicional sorteo e premio de escaparatismo (20:00 horas) Organiza: AEVER
Sábado 4 xaneiro CONCERTO DE MARÍA DO CEO 20:00 h. Auditorio municipal A día de hoxe, dicir María do Ceo é o mesmo que dicir fado. Considerada a sucesora de Amália Rodrigues por non poucos críticos, a súa é, con todo, unha traxectoria única na que se funde a melancolía do portugués coa dozura do galego. Os seus excepcionais dotes vocais e a súa innata musicalidad fan dos concertos de María do Ceo experiencias fascinantes que mergullan á audiencia na paixón e a tenrura do fado tradicional, pero tamén na personalidade dunha artista singular. Entrada gratuita. Organiza: Concello de Verín
Domingo día 5 de xaneiro CABALGATA DE REIS 17:30 h. Co recorrido habitual, comezando no asilo e terminando no Pavillón Municipal de Deportes. Poderanse recoller os traxes de pastor/a, anxo ou estrela na Ludoteca de Nadal para formar parte da cabalgata acompañando aos reis meigos. Organiza: Concello de Verín.
|