Concello de Verín

O vindeiro xoves día 30 de xaneiro, ás 19:30 horas, o Salón de Actos da Casa da Cultura acollera un novo pase do filme documental "Conversas e petiscos de Pato".

Con motivo do corenta aniversario da defunción de Enrique Gómez Pato, creador polifacético radicado en #Verín que desenvolveu, principalmente nos anos cincuenta e sesenta do pasado século, unha importante obra como dramaturgo, xornalista, poeta e humorista, Plácido Romero Bernardo elaborou este documental na súa homenaxe, que obtivo o primeiro premio na súa sección no Festival RiR 2019 (Festival Internacional de Curtas de Comedia / International Comedy Shortfilm Festival) de Allariz.