Pleno Ordinario: 30 de xaneiro de 2020 |
![]() |
![]() |
![]() |
Xoves, 30 Xaneiro 2020 14:15 |
O Salón de Plenos do Concello de Verín acolleu esta mañá unha sesión ordinaria na que se abordaron os seguintes puntos: 1. APROBACIÓN DA ACTA DA SESIÓN EXTRAORDINARIA URXENTE DE DATA 27/12/2019 2. Expediente 50088/2019. APROBACIÓN INICIAL ORZAMENTO 2020 3. Expediente 238/2020. DELEGACIÓN DE COMPETENCIAS EN MATERIA DE TRÁFICO E SEGURIDADE VIAL 4. INFORMACIÓNS E OUTROS ASUNTOS DA PRESIDENCIA 5. ROGOS E PREGUNTAS Tras aprobar por unanimidade a acta da anterior sesión extraordinaria urxente, o presidente en funcións, Diego Lourenzo Moura, someteu votación a aprobación a aprobación inicial do Orzamento Xeral para o exercicio 2020 que se aprobou por 11 votos (6 PSdeG-PSOE e 5 BNG) a favor e 4 votos en contra do Partido Popular. O importe do Orzamento Xeral deste Concello para o ano 2020 ascende á cantidade total, en canto a ingresos e gastos, de 14.060.735,27 euros. Sgundo destacou Diego Lourenzo na súa intervención «o mencionado importe total lévanos a asegurar que estamos ante Orzamento máis elevado da historia deste Concello, sendo superado en 1.429.491,32 euros en comparación ao último Orzamento de maior importe aprobado por este Concello, este foi o do exercicio 2013 (importe total de 12.631.243,45 euros)». No referente ao gasto en inversións reais, que ascende a un total de 3.021.244,22 euros, Diego Lourenzo destacou as seguintes actuacións: - Adquisición por expropiación dos terreos de Fontenova e terreos para a Ponte de Queizás, ambos necesarios para poder desenvolver os proxectos xa redactados. - Os proxectos financiados por subvencións de ámbito estatal como a Ponte de Queizás e a Renovación e mellora do alumeado público, ambas inversión con dotación de 100.000,00 euros cada unha. - Actuación de Rehabilitación parcial da antiga escola de Feces de Abaixo e a obra do Canal de San Lázaro. - Continuación da Pavimentación en rúas de Feces de Abaixo e Cabreiroá. - Obras de mellora nas vías de acceso a Verín, concretamente Estrada de Castilla con colocación de bordillos. - Actuacións de ensanches e pavimentación en Estrada de Vilela a Hospital. - Diversa compra de maquinaria e adquisición de materiais necesarios para diversos servizos. - Gastos de inversións de carácter inmaterial en Estudos e proxectos técnicos así como a redacción do novo PXOM e PEPRICH. Por outra banda, o pleno tamén aprobou por 11 votos (6 PSdeG-PSOE e 5 BNG) a favor e 4 abstencións do Partido Popular, a delegación de competencias a favor da Xefatura Provincial de Tráfico de Ourense e na Agrupación de Tráfico da Garda Civil, relativa á vixilancia, control, denuncia e sanción de infraccións en vías urbanas e en xeral aqueloutras competencias que correspondan á Policía Local, no servizo nocturno todos os días da semana (excepto sábados) de 22,20 h a 7,20 h.
|