LECTURA NAS REDES | LETRAS GALEGAS 2021 |
Luns, 17 Maio 2021 08:19 |
Un ano máis, o Concello de Verín, coa colaboración de GADIS, organizou os xa tradicionais Certame de Poesía Xosé Carlos Caneiro Pérez e Certame de Relato Curto Antonio Fernández Pérez. Actividades que procuran enriquecer a celebración do Día das Letras Galegas na vila e que este ano contou cunha “Lectura nas redes” dos relatos gañadores como sustitución á habitual Gala de entrega de premios. Dende o Concello de Verín, debido á actual situación sanitaria e as dificultades para organizar unha gala que habitualmente concentra a centos de pais e nais, optouse este ano por dixitalizar o formato dos certames cunha “Lectura nas redes” na que os gañadores de cada categoría puideron mostrar as súas obras. Nas gravacións, que se poden visualizar dende o día de hoxe nas redes sociais oficiais do Concello de Verín, participaron as gañadoras de cada categoría. Unha experiencia que permitiu ao alumnado transformarse nos verdadeiros protagonistas da actividade. O resultado foron dous vídeos, un por certame, no que as protagonistas empoderan o seu talento literario ante a cámara para trasladar as súas obras dun xeito íntimo e directo. “Neles plasman os seus sentimentos (...), é unha viaxe pola imaxinación. Debemos resaltar ese traballo adicional e positivo tanto para a creación literaria como para a normalización lingüística. É digno de mencionar o esforzo que fan nos centros para que creen e traballen os rapaces na creación literaria” - Serafín Vázquez Álvarez Os gañadores do Certame de Poesía Xosé Carlos Caneiro Pérez foron Catalina González Álvarez (Primaria), Zoe Oliveiros Fernández (1º e 2º ESO), Rodrigo González Álvarez (3º 4º ESO). E no Certame de Relato Curto Antonio Fernández Pérez, as gañadoras foron Mariña García Airabella (Primaria), Sara Pérez González (1º e 2º ESO) e Ágatha Borrul Prieto (3º 4º ESO). LECTURA NAS REDES | CERTAMEN DE POESÍA XOSE CARLOS CANEIRO
LECTURA NAS REDES | CERTAMEN DE RELATO CORTO ANTONIO PÉREZ FERNÁMNDEZ
|