Concello de Verín

Máis dunha trintena de negocios hostaleiros locais participaron onte na reunión informativa convocada polas áreas de Hostalería e Feiras do Concello de Verín no Salón de Actos da Casa da Cultura.

O obxectivo fundamental deste encontro foi promover un espazo de colaboración entre os diversos actores do sector da hostalería en Verín, coa finalidade de explorar posibles vías de actuación para a súa dinamización.

Con esta iniciativa, que contou coa presenza do concelleiro de Feiras Trasportes e Xuventude, Manuel Lorenzo, buscase dar os primeiros pasos cara a creación dunha nova asociación de hostaleiros que de luz a ideas innovadoras e que esté acorde as actuais necesidades e oportunidades que enfronta este sector na actualidade.

Esta reunión contou tamén coa preseza das técnicos municipais de Turismo e Consumo, representantes da D.O Monterrei, adegas, así como do tecido asociativo verinés.