A Eurocidade Chaves-Verín reabre o Local de Ensaio con Music Sessions e Masterclass do 07 de xuño ao 14 de xullo |
Venres, 24 Maio 2024 10:43 |
O Local de Ensaio da Eurocidade é o lugar escollido para acoller un ciclo de eventos musicais organizado polo IPDJ - Instituto Portugués do Deporte e Xuventude no ámbito do proxecto Eurocidade 2030 e coordinado pola Eurocidade Chaves-Verín, coa colaboración dos restantes socios: FNAJ - Federación Nacional das Asociacións Xuvenís, Dirección Xeral de Xuventude, Participación e Voluntariado da Xunta de Galicia e Fundación Galicia Europa. As actividades comezan o día 7 de xuño coas actuacións de Inês Homem de Melo e João Costa, que prometen unha tarde de melodías cativadoras e harmonías innovadoras. Este primeiro encontro, marcado das 17h ás 19h, está limitado a 30 participantes. As sesións continúan o día 28 de xuño, das 15h ás 18h, coa Music Session de Pedro Lima. A capacidade está limitada a 20 persoas, ofrecendo un ambiente exclusivo para aprendizaxe e apreciación musical. Ademais das sesións de música, a programación inclúe unha Masterclass intensiva de dous días en produción e tecnoloxía musical, liderada por Pedro Lima, os días 12 e 13 de xullo. Unha oportunidade para 12 participantes aprenderen directamente cun profesional da industria, explorando equipos de vangarda e técnicas avanzadas de produción musical. A iniciativa culmina coa Music Session de Skoola, o día 14 de xullo, das 10h ás 13h, con aforo para 25 participantes. A participación nas Music Sessions e Masterclass é gratuíta, pero con inscrición obrigatoria, con selección por orde de rexistro. Máis informacións e respectivas inscricións en: https://ipdj.gov.pt/.../projeto-eurocidade-chaves-verin... A serie de Music Sessions e Masterclass é unha acción do proxecto EUROCIDADE 2030, aprobado no ámbito do programa INTERREG V-A España-Portugal (POCTEP) 2021-2027, con cofinanciamento FEDER. |