Concello de Verín

Esta mañá, a concelleira de Educación, Cultura e Festexos, Emilia Somoza, presentou no Salón de Actos da Casa da Cultura a programación oficial do Entroido 2023, que este ano recupera todo o seu esplendor con máis de 100 horas de música en directo e unha programación concibida para o desfrute de todos os públicos.

O Subdelegado do Goberno en Ourense, Emilio González Afonso, copresidiu esta mañá xunto a Concelleira de Seguridade Cidadá de Verín, Cándida Couñago, a xunta local de seguridade da vila para analizar e por en marcha o plan de protección do Entroido deseñado por Protección Civil, e que dará comezo o vindeiro 9 de febreiro co “xoves de compadres”. Á reunión asistiron tamén representantes da Garda Civil e da Policía Local da vila, así como, de protección Civil e Xunta de Galicia.

O Concello de Verín oficializou esta mañá baixo escritura publica a cesión do terreo situado en Caldeliñas á Fundación San Rosendo. O destino do mesmo será a construción e posta en funcionamento dunha residencia para o coidado e atención de persoas maiores, e actividades complementarias vinculadas á atención e coidado das mesmas.