A Oficina Municipal de Información Xuvenil do Concello de Verín informa das axudas para permisos de conducir, clase B, C e D
Mércores, 28 Setembro 2022 12:28
Desde a oficina Municipal de Información Xuvenil do Concello de Verín informan que a partir de mañá e ata o 28 de outubro as mozas e mozas poderán solicitar as axudas para o pago do permiso de conducir tipo B (turismo), tipo C (camión) ou tipo D (autobús). O Diario Oficial de Galicia (DOG) publica hoxe esta liña de axudas que ten como principal finalidade promover a autonomía e a empregabilidade da mocidade.
Bases de participación da II edición da Feira da Cervexa de Verín
Venres, 09 Setembro 2022 12:29
O Concello de Verín vén de publicar as bases de participación para a II edición da Feira da Cervexa que terá lugar os días 7, 8 e 9 de outubro na zona verde de A Preguiza.
Máis de 2.000 persoas participaron nas diferentes actividades propostas no marco do VII Festival de Curtas de Verín
Venres, 09 Setembro 2022 11:58
Máis de 2.000 persoas participaron nas diferentes actividades propostas no marco do VII Festival de Curtas de Verín, que se desenvolveu a semana pasada na vila do Támega. Unhas 1.700 fixérono de forma presencial e a máis de 300 chegouse vía streaming. “Esta cifra converte á edición de 2022 nunha das de maior afluencia da historia do certame, tendo en conta que a duración do mesmo se reduciu nalguns días en relación a anos anteriores”, sinala Carlos Montero, director do festival.
A Sala de exposicións do Concello de Verín acolle a mostra "Alfonso Sola & Rivada -Fronte ás fronteiras"
Xoves, 08 Setembro 2022 17:44
Mañá venres 9 de setembro, ás 20:30 horas, terá lugar na Sala de Exposicións da Casa da Cultura de Verín a inauguración oficial da Exposición "Alfonso Sola & Rivada - Fronte ás fronteiras".
Os nenos e nenas da Ludoteca e do Campamento Urbano de Verín despediron hoxe o seu verán cunha festa rockeira
Mércores, 07 Setembro 2022 18:38
Esta mañá rematou o servizo da Ludoteca de verán e o Campamento Urbano que organiza a Oficina Municipal de Información Xuvenil do Concello de Verín. Trátase de dous proxectos destinados a conciliar a vida laboral e familiar dos proxenitores e cubrir o tempo de lecer dos menores con idades comprendidas entre os 3 e 13 e 10 e 14 anos, respectivamente. Este ano comezou o día 27 de xuño e contou con máis de 230 menores inscritos, sendo unha das máis multitudinarias dos últimos anos.
