Os mellores escaparates de cinema de Verín, premiados nunha iniciativa conxunta promovida polo FIC Vía XIV e AEVER
Mércores, 07 Setembro 2022 12:22
Ao igual que en anos anteriores, a celebración do Festival de Curtas de Verín trouxo consigo unha serie de iniciativas destinadas a promover o desenvolvemento económico e comercial da vila durante a semana do certame. Neste marco, a Asociación Cultural Vía XIV e AEVER convocaron o concurso “Escaparates de cine”, no que participaron seis negocios locais, que engalaron as súas vitrinas e os seus espazos interiores con motivos relacionados coa sétima arte.
Aparece outra das pintadas máis famosas de Banksy en Verín; "Nena con globo"
Martes, 06 Setembro 2022 10:23
Despois de “Home nú pendurado da fiestra”, agora é outra das pintadas máis famosas de Banksy, “Nena con globo”, a que apareceu nunha rúa de Verín. A obra, da cal unha versión chegou a subastarse en Sotheby´s para logo autodestruirse, nunha das accións máis mediáticas de Banksy, está na rúa da Cruz.
O FIC VÍA XIV finaliza a súa VII edición consolidando verín no mapa galego de fesivais cinematográficos
Domingo, 04 Setembro 2022 21:36
O pano da VII edición do FIC Vía XIV de Verín caeu esta noite tras un gala de clausura, conducida pola xornalista local Esther Estévez, na que se deron a coñecer as curtas gañadoras desta edición do certame. “Un festival que conseguiu consolidar Verín no mapa galego de festivais cinematográficos, pois atópase plenamente integrado na rede autonómica de certames do sector”, sinalou durante a gala Carlos Montero, director do FIC.
Música, unha concentración de motos con sesión vermú e a proxección dun documental sobre o horror nazi centran a axenda de hoxe do FIC Vía XIV de Verín
Sábado, 03 Setembro 2022 08:34
A axenda deste sábado do Festival Internacional de Curtas de Verín estivo centrada en actividades de diverso tipo, entre as que salientaron as actuacións musicais, unha concentración de motos con sesión vermú no Espazo Roombo do exterior do Auditorio e a proxección do documental Mauthausen, regreso ao campo da morte. Un traballo de case 25 minutos de duración dirixido e guionizado hai máis de tres décadas polo xornalista e historiador galego Manolo Torrente.
O Galician Freaky Film Festival e o FIC Vía XIV estreitan lazos de colaboración no Auditorio de Verín
Venres, 02 Setembro 2022 08:33
O Galician Freaky Film Festival é o festival convidado polo FIC Vía XIV de Verín nesta sétima edición do certame. O festival vigués naceu hai seis anos como unha mostra de pezas de xénero underground, de vangarda e fantásticas feitas en Galicia. Trátase da cita definitiva do cinema e a cultura freak: un festival que amosa unha coidada selección de pezas audiovisuais que moitas veces se ven privadas das canles habituais de distribución. Pezas moitas veces inéditas en Galicia, con estreas nacionais, internacionais e mundiais.
