‘Contos dos Trasnos do Bosque’ na Biblioteca de Verín
Luns, 11 Marzo 2013 12:38
O vindeiro venres 15 de marzo, de 18 a 19.30 horas, a Biblioteca Pública Municipal de Verín programa a iniciativa ‘Contos dos Trasnos do Bosque', no marco da programación de actividades destinadas ao fomento da lectura e dinamización da instalación municipal.
Concerto 'Clara Schumann' para conmemorar o Día Internacional da Muller
Venres, 08 Marzo 2013 14:35
A Casa da Cultura de Verín acollerá mañá 09 de marzo, a partir das 18 horas, o concerto 'Clara Schumann', a cargo do alumnado e profesorado do Conservatorio Elemental de Música de Verín, e destinado a conmemora o Día Internacional da Muller.
O Concello de Verín entrega unha mención especial a Feiraco pola promoción do Entroido
Venres, 08 Marzo 2013 14:33
O alcalde de Verín, Juan Manuel Jiménez Morán, e o concelleiro de Festexos, Víctor Manuel Baladrón Lamas, entregaron esta mañá unha mención especial a Feiraco Lácteos SL pola promoción do Entroido de Verín, na súa última campaña publicitaria.
O sábado 16 de marzo, a partir das 10.30 horas, o Pavillón Municipal de Deportes de Verín acollerá a realización da sexta edición do concurso Cigarrón de Verín, destinada a ser un referente gastronómico, así como relanzar os produtos e viños da comarca de Monterrei.
Dentro das actividades que terán lugar durante a celebración das xornadas da Feira do Lázaro e Certame Gastronómico ‘Vila de Verín’, está o II Encontro de Xadrez Chaves-Verín organizado polo centro de desenvolvemento rural Portas Abertas e Club de Mesa de Tenis e Xadrez de Chaves -tamén conta coa colaboración da Asociación de Xadrez de Vila Real, A Casa das Matemáticas, colexio Padres Mercedarios de Verín e Cabreiroá-.