Aberto o prazo de inscrición para a tempada 2022-2023 das Escolas Deportivas de Fútbol e Fútbol Sala do Concello de Verín
Martes, 02 Agosto 2022 11:38
A área de Deportes do Concello de Verín informa que xa está aberto o prazo de inscrición para as disciplinas de Fútbol e Fútbol Sala impartidas nas Escolas Deportivas Municipais do Complexo Deportivo da Granxa.
O prazo de solicitudes estará aberto ata o 20 de agosto. A lista de admitidos confeccionarase por rigorosa orde de presentación das solicitudes. Para a prestación do servizo de cada unha das modalidades deportivas ofertadas será necesario que a porcentaxe de rexistrados na actividade consiga o mínimo pertinente considerado pola organización.
O Concello asina a renovación do convenio con COGAMI para promover a inserción laboral de persoas discapacitadas
Mércores, 27 Xullo 2022 13:12
O presidente da Confederación Galega de Persoas con Discapacidade (COGAMI), Anxo Antón Queiruga Vila, reuniuse hoxe co alcalde de Verín para renovar un acordo cara á inclusión no mercado laboral das persoas discapacitadas.
O acordo ten como obxectivo a cesión de instalacións municipais a COGAMI de xeito gratuíto. Estas son utilizadas para a creación dun punto de información, asesoramento e espazo informativo desde o que desenvolver a súa actividade. Preténdese así mellorar as oportunidades das persoas discapacitadas no municipio, potenciando a colaboración con empresas da contorna.
Os cativos da ludoteca celebran o día dos avós e o día de Galicia
Martes, 26 Xullo 2022 13:13
O 26 de xullo Verín está de celebración, dedica unha xornada aos máis maiores e festexa tamén o día de Galicia. Os rapaces e rapazas da ludoteca celebraron o día dos avós e avoas con actividades centradas na temática da terceira idade. Elaboraron traballos manuais e artesanía para regalarlla aos seus maiores, e escribiron mensaxes para eles, que de seguro os emocionarán.
O Concello de Verín presenta o programa da Batucada 2022
Xoves, 21 Xullo 2022 12:37
O 29 e 30 de xullo, Verín recupera a súa tradicional Batucada. Segundo confirmou esta mañá Emilia Somoza, concelleira de Educación, Cultura e Festexos. Serán dúas xornadas repletas de música, auga e diversión para toda as idades.
