O musical “Camiñantes e Cantantes 2022” inicia a súa xira en Verín o vindeiro domingo 26 de xuño
Martes, 21 Xuño 2022 13:14
O vindeiro domingo 26 de xuño, ás 21:30 horas, o musical “Camiñantes e Cantantes” inicia a súa xira na Praza García Barbón de Verín. Trátase dun espectáculo coa agrupación La Ocabandcomo protagonista e que contará coa incorporación de importantes artistas convidados (que neste caso serán Pepo Suevos, Manuel Manquiña, Pili Pamapín e Laura Añón).
Roberto Verino: «Verín forma parte do meu nome, da miña marca, da miña vida»
Sábado, 18 Xuño 2022 10:46
O deseñador de moda Roberto Verino pronunciou hoxe o seu discurso de ingreso na Real Academia Galega de Belas Artes (RAGBA) como académico numerario da Sección de Artes da Imaxe, titulado “Aportación da moda galega ao orgullo de país”. O acto, que se celebrou esta mañá no Auditorio de Verín, estivo organizado coa colaboración do Concello de Verín e foi presidido polo presidente da RAGBA, Manuel Quintana Martelo, e o discurso foi contestado en nome da Academia polo membro numerario da Sección de Artes da Imaxe, Xurxo Lobato.
O Galician Freaky Film Festival sorprenderá coas súas propostas gamberras e arriscadas aos habitantes de Verín en setembro
Xoves, 16 Xuño 2022 10:01
Cada vez falta menos tempo para que chegue unha nova edición do Festival Internacional de Curtas de Verín, FIC Vía XIV. E, coa deste ano 2022, son xa sete as convocatorias consecutivas dun certame que pouco a pouco se foi consolidando na axenda cultural, de ocio e de lecer da vila. Este ano, o festival convidado polo FIC será o Galician Freaky Film Festival, un certame moi singular cuxas obras máis representativas correspondentes a edicións anteriores poderán visionarse en Verín.
Verín acollerá o acto oficial de ingreso na Real Academia Galega de Belas Artes do deseñador Roberto Verino
Xoves, 16 Xuño 2022 08:24
O deseñador verinés Roberto Verino ingresará oficialmente na Real Academia de Belas Artes como Académico de Número Electo dentro da sección Artes da Imaxe. O acto oficial, que está sendo organizado coa colaboración do Concello de Verín, terá lugar no Auditorio Municipal o vindeiro sábado día 18 de xuño, ás 12:30 horas. Durante o mesmo, Verino lerá un discurso como Académico Electo titulado “Aportación da Moda Galega ao orgullo de país” ao que o fotógrafo Xurxo Lobato dará resposta.
O día 1 de xullo de 2022, a Asociación de Empresarios de Verín (AEVER) dá o pistoletazo de saída á tempada de verán do comercio local de Verín cunha gran festa pensada para o desfrute da súa clientela.
