Venda de entradas para as V Xornadas de Novela Histórica
Xoves, 03 Marzo 2022 17:33
Dende a Biblioteca do Concello de Verín informan que a partir de hoxe xoves 3 de marzo estarán dispoñibles as entradas para as V Xornadas de Novela Histórica “Novas Miradas na Novela Histórica”, que se celebrarán os días 25 e 26 de marzo no Auditorio de Verín. As entradas para cada día teñen un prezo simbólico de 2 Euros e que evite a retirada das mesmas sen completa seguridade de acudir as xornadas e así evitar que veciños e veciñas que desexen acudir queden sen elas tal e como aconteceu o ano pasado. Así mesmo todo o recadado será destinado ao fondo bibliográfico da Biblioteca e o conxunto de actividades para o fomento á lectura.
Verín recibiu aos autocaravanistas de AGA, que percorren o sur de Galicia nun roteiro enolóxico
Xoves, 03 Marzo 2022 13:42
Esta mañá, máis de medio centenar de autocaravanistas visitaron o Museo de Verín no marco do Roteiro do Viño organizado por AGA (Asociación Galega de Autocaravanas). Os mesmos, acompañados do seu vicepresidente, Xosé Anxo Cid, foron recibidos nas instalacións municipais polo tenente de alcalde de Verín, Diego Lourenzo, quen aproveitou para anunciarlles que a vila do Támega contará unha nova área municipal de autocaravanas antes de que finalice este ano 2022.
O reporteiro Fede Arias, do programa “Mejor Contigo” de RTVE será nomeado “Capuchón de Verín 2022”
Mércores, 23 Febreiro 2022 13:10
Fede Arias, reporteiro e presentador do programa “Mejor Contigo” de RTVE, será nomeado mañá en Verín “Capuchón 2022”. O ente municipal outorgaralle dita mención honorífica en recoñecemento ao seu traballo visibilizando a riqueza cultural dos pobos e municipios do noso país.
45 actuacións musicais itinerantes e unha vintena de actividades infantís conforman a programación do Entroido de Verín 2022
Martes, 15 Febreiro 2022 13:16
Esta mañá, o Concello de Verín presentou a que será a súa programación oficial do Entroido 2022. A pesar de non organizarse ningún evento masivo -coa finalidade de evitar as aglomeracións de xente- será un ano no que, con máis de cen horas programadas de música na rúa, a festa e a diversión están aseguradas.
