Curso online 'Localizando a Axenda 2030' do Fondo Galego
Xoves, 27 Xaneiro 2022 13:10
O Fondo Galego de Cooperación e Solidariedade, do que forma parte o Concello de Verín, vén de abrir o prazo para inscribirse na terceira edición do curso online 'Localizando a Axenda 2030: O papel clave dos municipios na consecución dos Obxectivos de Desenvolvemento Sostible', que se desenvolverá do 1 de marzo ao 24 de abril a través da nosa plataforma de teleformación. Esta acción formativa, con matrícula de balde, está especialmente pensada para o persoal político e técnico das deputacións e concellos socios.
Medidas consensuadas para os Entroidos do Triángulo Máxico
Mércores, 26 Xaneiro 2022 13:22
Nun exercicio de prudencia e responsabilidade, as comisións e Concellos organizadores dos entroidos de Verín, Xinzo de Limia e Laza acordaron suprimir todos aqueles eventos que poidan promover as aglomeracións masivas de xente. Así pois, decidiuse seguir unha serie de liñas mestras conxuntas coa finalidade de evitar novos rebrotes de Covid-19.
O Salón de Actos da Casa da Cultura acolle a presentación do libro “Cruceiros e Petos” de Bruno Rúa
Martes, 25 Xaneiro 2022 12:17
O vindeiro xoves 27 de xaneiro, ás 20:00 horas, o Salón de Actos da Casa da Cultura acollerá a presentación do libro “Cruceiros e Petos” do etnógrafo Bruno Rúa Martínez.
O Concello de Verín inaugura un novo mural de Fernando Barreira na Praza García Barbón
Venres, 21 Xaneiro 2022 14:11
O Concello de Verín vén de inaugurar un novo mural de gran formato realizado polo artista local, Fernando Barreira, no que -a modo de photocall- veciños e visitantes poderán inmortalizarse cunhas espectaculares ás de bolboreta.
