Comeza a VI edición do FIC Vía XIV de Verín cunha completa axenda de actividades paralelas para todos os públicos
Sábado, 04 Setembro 2021 22:22
Esta noite arrincou en Verín, co seu acto inaugural, a VI edición do FIC Vía XIV da vila do Támega. Un festival plenamente consolidado na axenda cultural da vila que traerá ata Verín case unha ducia de actividades paralelas relacionadas coa cinematografía, ademais dunha selección oficial de 26 curtas encadradas nas clásicas categorías do certame tales como Outra Mirada, Horizontes, A Raia e Nova. Por vez primeira, ademais, as curtas oficiais a concurso poderán seguirse online a través de festhome no enlace https://tv.festhome.com/festivaltv/fic-via-xiv.
Verín presente nas publicacións A natureza no Camiño e Os camiños de Ourense de Aira Editorial
Xoves, 02 Setembro 2021 11:30
A Xunta de Galicia, o Concello de Verín e Aira editorial presentaron esta mañá publicamente os produtos relacionados co Camiño de Santiago realizados grazas ao programa O Teu Xacobeo 2021. Son propostas pensadas para todos os públicos e nos que as coordenadas da Vía da Prata, as comarcas da Limia e Verín e a provincia de Ourense no seu conxunto teñen un papel destacado.
Preto dun centenar de nenos e nenas participaron na Escola de Verán 2021 do Concello de Verín
Martes, 31 Agosto 2021 10:09
Esta mañá, preto dun centenar de menores deron por clausurada a tempada 2021 da Escola de Verán organizada polo Concello de Verín. Como broche final, os asistentes gozaron dunha divertida festa de disfraces e dunha xornada de actividades acuáticas con inchables.
O Premio do Público do FIC Vía XIV deste ano é unha creación realizada con base de morteiro por Javier Yáñez
Luns, 30 Agosto 2021 16:41
A imaxe gráfica do FIC Vía XIV de Verín realizada con morteiro polo creador Javier Yáñez será a peza que se entregue como Premio do Público no FIC Vía XIV 2021. “O Premio do Público ten un valor especial para Verín posto que son os propios asistentes ao FIC os que, coas súas votacións, o determinan e cada ano queremos que un creador local se ocupe da súa realización”, destaca Carlos Montero, director do FIC.
O exterior de Auditorio de Verín acollerá o concerto de Verto
Luns, 30 Agosto 2021 10:52
O vindeiro martes, 7 de setembro, o dúo de pop moderno Verto actuará en Verín dentro da programación do Festival Internacional de Curtametraxes Vía XIV. A actuación terá lugar nas instalacións exteriores do Auditorio de Verín a partir das 22.30 horas.